തിരുവനന്തപുരം: തിരുവനന്തപുരം ലോ അക്കാദമിയില്‍ റവന്യൂ വകുപ്പ് പരിശോധന നടത്തി. അനധികൃത ഭൂമി കൈവശം വെച്ചു എന്ന പരാതിയിലാണ് പരിശോധന. സബ് കലക്ടറുടേയും തഹസില്‍ദാറിന്റേയും നേതൃത്വത്തിലാണ് പരിശോധന.
അക്കാദമിയുടെ കൈവശമുള്ള അനധികൃത ഭൂമി തിരിച്ചു പിടിക്കണമെന്ന് ആവശ്യപ്പെട്ട് ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ് അച്യുതാനന്ദന്‍ പരാതി നല്‍കിയിരുന്നു. നാല് ഏക്കര്‍ മാത്രം ആവശ്യമുള്ള അക്കാദമിയുടെ കൈവശം 12 ഏക്കര്‍ ഭൂമിയുണ്ടെന്ന് പരാതിയില്‍ പറയുന്നു.