പറവൂര്‍: മഴക്കാലം എത്താന്‍ ദിവസങ്ങളുണ്ടെങ്കിലും കാലം മറന്നു പെയ്യുന്ന മഴയില്‍  മാലിന്യവും കൊതുകിനെക്കൊണ്ടും പമറവൂര്‍ നഗരം വീര്‍പ്പുമുട്ടുന്നു. വര്‍ഷാവര്‍ഷങ്ങളില്‍ നഗരസഭ നടത്താറുള്ള മഴക്കാലപൂര്‍വ ശുചീകരണപ്രവര്‍ത്തനങ്ങള്‍ ആഴ്ചകള്‍ക്ക് മുമ്പ് ആരംഭിച്ചെങ്കിലും മാലിന്യനീക്കം ഫലപ്രാപ്തിയില്‍ എത്തിയിട്ടില്ല.ഓടകളിലൂടെയും തോടുകളിലൂടെയും മാലിന്യം ഒഴുകുന്നു എന്നുമാത്രമല്ല കൊതുകുകളും ദിനംപ്രതി വര്‍ധിക്കുന്നു.മഴക്കാലം എത്താന്‍ ഇനിയും ദിവസങ്ങള്‍ ബാക്കിയുണ്ടെങ്കിലും പനി ബാധിതരും ആശുപത്രികളില്‍ എത്തിത്തുടങ്ങി.
പറവൂര്‍ നഗരസഭയുടെ നേതൃത്വത്തിലുള്ള മഴക്കാല പൂര്‍വ്വ ശുചീകരണ പ്രവര്‍ത്തനങ്ങള്‍ ഇക്കുറി വിപുലമായ രീതിയില്‍ നടത്താനാണ് നഗരസഭ അധികൃതരുടെ നീക്കം.ഇതിനായി ഓരോ വാര്‍ഡുകളിലും അമ്പതിനായിരം രൂപവീതം ചെലവഴിക്കാനാണ് കൗണ്‍സില്‍ തീരുമാനമായത്.പറവൂര്‍ നഗരസഭയിലെ ഇരുപത്തൊമ്പത് വാര്‍ഡുകളിലും ഈ തുക വിനിയോഗിക്കും. അമ്പത് ശതമാനം വാര്‍ഡുകളിലും ഏറെകുറെ തുകകള്‍ ചെലവഴിച്ചെങ്കിലും ശുചീകരണ ജോലികള്‍ എത്തിയിട്ടില്ല.
കാനകളും ചെറുതോടുകളും വഴിയരികിലെ വെള്ളകെട്ടും ഇനിയും ശുചീകരിച്ചിട്ടില്ല.എന്നാല്‍ എല്ലാ വാര്‍ഡുകളിലും എണ്‍പതു ശതമാനം ശുചീകരണ പ്രവര്‍ത്തികള്‍ നടത്തി കഴിഞ്ഞതായി നഗരസഭാചെയര്‍മാന്‍ രമേഷ് ഡി. കുറുപ്പ് പറഞ്ഞു.ശുചീകരണ കാര്യങ്ങള്‍ തീരുമാനിക്കാനും കഴിഞ്ഞ ചൊവ്വാഴ്ച്ച  കൗണ്‍സില്‍ യോഗം വിളിച്ചിരുന്നു.നഗരസഭാ കൗണ്‍സിലര്‍മാര്‍,ആശാവര്‍ക്കര്‍മാര്‍,നഗരസഭാ ഹെല്‍ത്ത്വിഭാഗം ജീവനക്കാര്‍,പവര്‍താലൂക്ക് ആശുപത്രി ഡോക്ടര്‍മാരും ജീവനക്കാരും തൊഴിലുറപ്പു പദ്ധതി തൊഴിലാളികളും കോര്‍ഡിനെറ്റര്‍മാര്‍,സ്‌കൂള്‍ അധ്യാപകര്‍,വിവിധ റസിഡനസ് അസോസിയേഷന്‍ ഭാരവാഹികള്‍,പരിസ്ഥിതി ക്ലബ്ബുകള്‍ എന്നിവരെ ഉള്‍പ്പെടുത്തിയാണ് പറവൂരില്‍ മഴക്കാല പൂര്‍വ്വശിചീകരണ പ്രവര്‍ത്തനങ്ങള്‍ക്ക് ആരംഭംകുറിച്ചത്.
തോടുകള്‍,കാനകള്‍ നന്നാക്കുന്നതിനു പുറമേ ക്‌ളോറിനെഷന്‍,കൊതുക് നശീകരണത്തിന് സോര്‍സ്‌റിഡക്ഷന്‍,ഡ്രൈഡെ ആചരണം,ബോധവല്‍ക്കരണക്ലാസുകള്‍ എന്നിവ ശുചീകരണത്തോടനുബന്ധിച്ചു നടത്തും. മഴക്കാല പൂര്‍വ ശുചീകരണം കാര്യക്ഷമമാക്കാന്‍ നഗരസഭ നൂതനസംവിധാനങ്ങളുള്ള പുതിയ വാഹനങ്ങള്‍ വാങ്ങി. വെള്ളം കെട്ടികിടക്കാത്ത രീതിയില്‍ തോടുകളിലെയും റോഡുവക്കിലെയും ബ്ലോക്കുകള്‍ മാറ്റുന്നതിന ്കാംകോ കമ്പനി വിപണിയിലിറക്കിയിട്ടുള്ള പതിനാലര ലക്ഷം രൂപ വിലയുള്ള  ടാങ്ക്ഓര്‍ ട്രെയിലര്‍ കഴിഞ്ഞ ദിവസം നഗരസഭ വാങ്ങിച്ചു.നഗരസഭാ വാര്‍ഡുകളിലെ ചെറിയ റോഡുകളിലൂടേയും ഈ വാഹനം കൊണ്ടുപോകാന്‍ കഴിയുമെന്നതാണ് ടാങ്ക് ഓര്‍ട്രെയിലറിന്റെ സവിശേഷത.ഇതോടെ വലിയ വാഹനങ്ങള്‍ പോകാത്തിടത്ത് നിന്നും ഇനിമാലിന്യശേഖരണം നടത്താന്‍ കഴിയും.കൂടാതെ നഗരസഭയുടെ കേടായ  ട്രാക്റ്റര്‍,ടിപ്പര്‍,ലോറി എന്നിവ ്‌റിപ്പയര്‍ ചെയ്തു മാലിന്യശേഖരണത്തിന് സജ്ജമാക്കി എടുത്തതായി ചെയര്‍മാന്‍ അറിയിച്ചു.
മഴക്കാല പൂര്‍വ ശുചീകരണ പ്രവര്‍ത്തനങ്ങളുടെ ഭാഗമായി ഊര്‍ജിത കൊതുകു നശീകരണത്തിന് സ്‌പ്രേയിംഗ് ജൂണ്‍ പത്തു മുതല്‍ ആരംഭിക്കും.ഉറവിട നശീകരണ പ്രവര്‍ത്തനങ്ങള്‍ കാര്യക്ഷമമായി നടത്തുന്നതിനും ഖര,ദ്രവ്യ മാലിന്യ സംസ്‌ക്കരണ നടപടികളും ഊര്‍ജ്ജിതമാക്കും.വാര്‍ഡുതല ആരോഗ്യ ശുചിത്വസമിതികളുടെ യോഗംചേര്‍ന്ന് അതതു വാര്‍ഡുകളില്‍ നടപ്പാക്കേണ്ട രോഗപ്രതിരോധപ്രവര്‍ത്തനങ്ങള്‍ക്കും രൂപരേഖ തയ്യാര്‍ ആക്കിയിട്ടുണ്ട്.