സ്റ്റേജ് ഇതര മത്സരങ്ങളില്‍ പങ്കെടുക്കുന്ന വിദ്യാര്‍ഥികളുടെ കലാ സൃഷ്ടികള്‍ ഇനി വിരല്‍ തുമ്പില്‍. www.schoolwiki.in എന്ന വെബ്‌സൈറ്റില്‍ കുട്ടികളുടെ സ്‌റ്റേജ് ഇതര മത്സരങ്ങളിലെ കലാസൃഷിടികള്‍ ഉണ്ടാകും. സ്റ്റേജ് മത്സരങ്ങളില്‍ പങ്കെടുക്കുന്ന വിദ്യാര്‍ഥികളുടെ കലാസൃഷ്ടികള്‍ ലോകം മൊത്തം അറിയുമ്പോളും സ്‌റ്റേജ് ഇതര മത്സരങ്ങളില്‍ പങ്കെടുക്കുന്ന വിദ്യാര്‍ഥികളുടെ കലാസൃഷിടകള്‍ ആരും അറിയാറില്ലായിരുന്നു. ഇതിനൊരുമാറ്റം കൊണ്ടുവരുകായെന്ന ലക്ഷ്യം മുന്നില്‍ കണ്ടാണ് സ്‌കൂള്‍ വിക്കിയെന്ന വെബ്‌സെറ്റിന്റെ തുടക്കം.15000ത്തോളം സ്‌കൂളുകളെ ബന്ധിപ്പിക്കുന്ന പോര്‍ട്ടലാണ് സ്‌കൂള്‍വിക്കി. ചിത്രരചന, കോളാഷ്, കാര്‍ട്ടൂണ്‍ തുടങ്ങിയ സ്‌റ്റേജ് ഇതര മത്സരങ്ങളില്‍ പങ്കെടുക്കുന്ന വിദ്യാര്‍ഥികളുടെ പേരും അവരുടെ കലാസൃഷിടകളുമെല്ലാം സ്‌ക്കൂള്‍ വിക്കിയില്‍ ലഭ്യമാണ്. മത്സരങ്ങളില്‍ പങ്കെടുത്ത എല്ലാ വിദ്യാര്‍ഥികളുടെ പേരും കലാസൃഷ്ടിയും അവരുടെ ഗ്രേഡും വെബ് സൈറ്റില്‍ ഉണ്ടാവുമെന്നതാണ് മറ്റൊരു പ്രത്യേകത.വിദ്യാര്‍ഥികളുടെ കലാസൃഷ്ടികള്‍ കാമറയില്‍ പകര്‍ത്തി പി.ഡി.എഫ് ഫോര്‍മാറ്റിലാക്കിയാണ് വെബ് സൈറ്റില്‍ അപ്പ്‌ലോഡ് ചെയ്യുന്നത്.

കൂടുതല്‍ കലോത്സവ വാര്‍ത്തകള്‍ക്കും ചിത്രങ്ങള്‍ക്കും ഇവിടെ ക്ലിക്ക് ചെയ്യുക

കഴിഞ്ഞ വര്‍ഷമാണ് വിക്കിസ്‌പ്പോര്‍ട്ടിന്റെ പ്രവര്‍ത്തനങ്ങളുടെ തുടക്കം. സ്‌കൂളുകളിലെ ഐ.ടി ക്ലബായ ഹായ് സ്‌കൂള്‍ കുട്ടിക്കൂട്ടങ്ങളാണ് പോര്‍ട്ടലിന്റെ പ്രവര്‍ത്തനങ്ങള്‍ നിയന്ത്രിക്കുന്നത്. വിദ്യാര്‍ഥികളുടെ കലാസൃഷ്ടികള്‍ ലോകം മൊത്തം അറിയുമെന്നതിനൊടൊപ്പം തന്നെ ഇനി വരുന്ന വര്‍ഷങ്ങളില്‍ മത്സരിക്കുന്ന വിദ്യാര്‍ഥികള്‍ക്ക് കഴിഞ്ഞ വര്‍ഷത്തെ മത്സരാര്‍ഥികളുടെ നിലവാരം പരിശോധിക്കാനും വിലയിരുത്താനും ഈ പോര്‍ട്ടല്‍ കൊണ്ട് സാധിക്കും. കൈറ്റ് വിക്കി വൈസ് ചെയര്‍ അന്‍വര്‍ സാദത്ത്,ശബരീഷ്,എന്നിവര്‍ പോര്‍ട്ടലിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.