ഇസ്‌ലാമബാദ്: പാകിസ്താനില്‍ വീട്ടുതടങ്കലിലുള്ള ജമാഅത്തുദ്ദഅ്‌വ തലവന്‍ ഹാഫിസ് സഈദിനു രാജ്യാതിര്‍ത്തി കടക്കാന്‍ നിയന്ത്രണമേര്‍പ്പെടുത്തി. മുംബൈ ഭീകരാക്രമണത്തിന്റെ സൂത്രധാരനായ സഈദിനെ കഴിഞ്ഞ ദിവസം പാക് സൈന്യം വീട്ടുതടങ്കലിലാക്കിയിരുന്നു. അതിനു പിറകെയാണ് പാകിസ്താനില്‍ രാജ്യാതിര്‍ത്തി കടക്കാന്‍ നിയന്ത്രണമുള്ളവരുടെ പട്ടികയില്‍കൂടി സഈദിനെ ഉള്‍പ്പെടുത്തിയത്. രാജ്യത്തുനിന്നു പുറത്തുകടക്കാന്‍ നിയന്ത്രണമേര്‍പ്പെടുത്തിയവരുടെ പേരറിയിച്ചു പ്രാദേശിക ഭരണകൂടങ്ങള്‍ക്ക് പാകിസ്താനിലെ ഫെഡറല്‍ ഇന്‍വെസ്റ്റിഗേഷന്‍ ഏജന്‍സി കത്തയച്ചു.