വാഷിങ്ടണ്‍: സുരക്ഷാഭീഷണി ഉന്നയിച്ച് അഞ്ചുവയസുകാരനായ ഇറാന്‍-അമേരിക്കന്‍ ബാലനെ അമേരിക്കയില്‍ വിമാനത്താവളത്തില്‍ പിടികൂടി വിലങ്ങണിയിച്ചു. വാഷിങ്ടണിലെ ഡല്ലസ് വിമാനത്താവളത്തിലാണ് ബാലനെ മണിക്കൂറുകളോളം തടഞ്ഞുവച്ചത്.
സുരക്ഷാ കാരണത്താലാണു കുട്ടിയെ തടഞ്ഞതെന്നും പ്രായവും ലിംഗവും നോക്കി രാജ്യത്തിനു ഭീഷണിയില്ലെന്നു പറയാനാകില്ലെന്നും ട്രംപിന്റെ മാധ്യമ സെക്രട്ടറി സീന്‍ സ്‌പൈസര്‍ സംഭവത്തോട് പ്രതികരിച്ചു. നിലവില്‍ അമേരിക്കയില്‍ താമസമാക്കിയിട്ടുള്ള കുട്ടിയുടെ അമ്മ ഇറാന്‍ പൗരയാണ്. മറ്റു കുടുംബാംഗങ്ങളോടൊപ്പം മറ്റൊരു സ്ഥലത്തു പോയി മടങ്ങിവരവെയാണ് ഡല്ലസ് വിമാനത്താവളത്തില്‍ കുട്ടിയെ തടഞ്ഞത്. അമ്മ മകനെ സ്വീകരിക്കാന്‍ വിമാനത്താവളവത്തിലെത്തിയിരുന്നെങ്കിലും അധികൃതര്‍ മണിക്കൂറുകളോളം തടഞ്ഞുവയ്ക്കുകയായിരുന്നു.
ട്രംപിന്റെ കുടിയേറ്റ നിരോധനത്തെ തുടര്‍ന്ന് നൂറോളം പേരാണു രാജ്യത്തെ വിവിധ വിമാനത്താവളങ്ങളിലായി പിടിയിലായത്.