വൈക്കം: കുലശേഖരമംഗലം കൊച്ചങ്ങാടി ആഞ്ജനേയ ചാരിറ്റബിള്‍ ട്രസ്റ്റിന്റെ കീഴില്‍ ഭാരതസര്‍ക്കാര്‍ സംരംഭമായ ജന്‍ ഔഷധി കേന്ദ്ര ഉദ്ഘാടനം ട്രസ്റ്റ് മന്ദിരത്തില്‍ സി.കെ.ആശ എം.എല്‍.എ നിര്‍വഹിച്ചു.
മറവന്‍തുരുത്ത് ഗ്രാമപഞ്ചായത്ത് പ്രസിഡന്റ് പി.വി.ഹരിക്കുട്ടന്‍ അധ്യക്ഷത വഹിച്ചു. വൈക്കം നഗരസഭ ചെയര്‍മാന്‍ എന്‍.അനില്‍ ബിശ്വാസ് ആദ്യവില്‍പ്പന നടത്തി. ട്രസ്റ്റിന്റെ കാരുണ്യസ്പര്‍ശം പദ്ധതിയില്‍ നിന്നുള്ള ചികിത്സാസഹായം തിരഞ്ഞെടുത്ത നിര്‍ദ്ധനരോഗികള്‍ക്ക് മറവന്‍തുരുത്ത് ഗ്രാമപഞ്ചായത്ത് ആരോഗ്യ സ്റ്റാന്റിങ് കമ്മറ്റി ചെയര്‍മാന്‍ കെ.സി.വേണുഗോപാല്‍ വിതരണം ചെയ്തു.
വാസുദേവന്‍ നായര്‍ മെമ്മോറിയല്‍ വിദ്യാഭ്യാസ അവാര്‍ഡ് കുലശേഖരമംഗലം ഗവണ്‍മെന്റ് ഹയര്‍സെക്കന്‍ഡറി സ്‌കൂളില്‍ നിന്നും 2015-16 അധ്യയന വര്‍ഷത്തില്‍ എസ്.എസ്.എല്‍.സിക്ക് എല്ലാ വിഷയങ്ങള്‍ക്കും എ പ്ലസ് കരസ്ഥമാക്കിയ അപര്‍ണ തങ്കച്ചനും, അക്ഷര സന്തോഷിനും സംഗീതജ്ഞ ലൈല രവീന്ദ്രന്‍ സമ്മാനിച്ചു. അഡ്വ. കെ.വി.ഗോപാലകൃഷ്ണന്‍ നായര്‍, അഡ്വ. വി.വി.സത്യന്‍,
വാര്‍ഡ് മെമ്പര്‍ എസ്.ഗരത്കുമാര്‍, ഡോ. എം.എം.രവീന്ദ്രനാഥ്, എസ്.ചന്ദ്രശേഖരന്‍പിള്ള, ജോസഫ് ലൂക്കോസ്, അഡ്വ. പി.വി.പ്രകാശന്‍, ഷാജു മൂര്‍ക്കാട്ടില്‍, എന്‍.ഡി.രാജു സംസാരിച്ചു.