ആറ്റിങ്ങല്‍: കഞ്ചാവ് ലഹരിയില്‍  ട്രാഫിക് വാര്‍ഡനേയും വഴിയാത്രക്കാരെയും ആക്രമിച്ച യുവാവിനെ ആറ്റിങ്ങല്‍ പൊലുസ് പിടികൂടി. ഇയാളുടെ കൈയ്യില്‍ നിന്നും വില്‍പനയ്ക്കായി സൂക്ഷിച്ചിരുന്ന കഞ്ചാവ് പൊതികളും കണ്ടെടുത്തു. ഇന്നലെ ആറ്റിങ്ങല്‍ കച്ചേരി ജങ്ഷനിലായിരുന്നു സംഭവം. കിഴുവിലം പറയത്തുകോണം ചരുവിള വീട്ടില്‍ സജീവ്( 32) ആണ്  പിടിയിലായത്. കച്ചേരിജങ്ഷനില്‍  ചെരുപ്പുകുത്തിയെന്ന വ്യാജേനയാണ് ഇയാള്‍ കഞ്ചാവു കച്ചവടം നടത്തിയിരുന്നതെന്നു എസ്.ഐ. ശ്രീജിത് പറഞ്ഞു.