നചെന്നൈ: സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ കേരളത്തിനു തോല്‍വി. അയല്‍ക്കാരായ തമിഴ്‌നാട് കേരളത്തെ അഞ്ചു വിക്കറ്റിനു വീഴ്ത്തി. ആദ്യം ബാറ്റു ചെയ്ത കേരളം 20 ഓവറില്‍ ആറു വിക്കറ്റ് നഷ്ടത്തില്‍ 128 റണ്‍സെടുത്തപ്പോള്‍ 18.4 ഓവറില്‍ അഞ്ചു വിക്കറ്റ് നഷ്ടത്തില്‍ തമിഴ്‌നാട് 129 റണ്‍സെടുത്തു വിജയിക്കുകയായിരുന്നു. 51 റണ്‍സെടുത്ത് പുറത്താകാതെ നിന്ന ബാബ അപരാജിതിന്റെ ബാറ്റിങാണ് തമിഴ്‌നാടിന്റെ വിജയം എളുപ്പമാക്കിയത്. കേരളത്തിനായി സന്ദീപ് വാര്യര്‍ രണ്ടു വിക്കറ്റുകള്‍ വീഴ്ത്തി.
നേരത്തെ നായകന്‍ സച്ചിന്‍ ബേബി പുറത്താകാതെ നേടിയ 53 റണ്‍സാണ് കേരളത്തിന്റെ സ്‌കോര്‍ 100 കടത്തിയത്.