പഴയങ്ങാടി: മാടായി റെയ്ഞ്ച് ജംഇയ്യത്തുല്‍ മുഅല്ലിമീന്‍ ഇസ്‌ലാമിക് കലാമേള ഇന്നുമുതല്‍ മുട്ടം റഹ്മാനിയ്യ മദ്‌റസയില്‍ നടക്കും. രാവിലെ എട്ടിന് അലി അക്ബര്‍ ബാഖവി ഉദ്ഘാടനം ചെയ്യും. തുടര്‍ന്നു സ്‌റ്റേജിതര മത്സരങ്ങള്‍. വൈകുന്നേരം 4.30ന് വിളംബര ഘോഷയാത്ര. രാത്രി ഏഴിന് സമാപന സമ്മേളനം സയ്യിദ് എ ഉമര്‍ കോയ തങ്ങള്‍ ഉദ്ഘാടനം ചെയ്യും. സൈതലവി ഫൈസി അധ്യക്ഷനാകും. റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തും. തുടര്‍ന്നു ബുര്‍ദ മജ്‌ലിസ്. നാളെ രാവിലെ എട്ടിന് സ്റ്റേജ് പരിപാടികള്‍. 8.30ന് പ്രദര്‍ശനോദ്ഘാടനം അന്‍സാരി തില്ലങ്കേരി നിര്‍വഹിക്കും. രാത്രി ഏഴിന് സമാപന സമ്മേളനം അബ്ദുല്‍ ഷുക്കൂര്‍ ഫൈസി ഉദ്ഘാടനം ചെയ്യും. സയ്യിദ് കെ. പി.പി തങ്ങള്‍ അല്‍ബുഖാരി സമ്മാനം വിതരണം ചെയ്യും. അബ്ദുസമദ് മുട്ടം അനുമോദന പ്രഭാഷണം നടത്തും. തുടര്‍ന്ന് മിര്‍ഷാദ് യമാനി ചാലിയത്തിന്റെ കഥാപ്രസംഗം.