തിരുവനന്തപുരം: മുഖ്യമന്ത്രിയുടെ ഹെലികോപ്ടര്‍ യാത്രക്ക് ദുരിതാശ്വാസ ഫണ്ട് അനുവദിച്ച സംഭവത്തില്‍ റവന്യു വകുപ്പ് സെക്രട്ടറി പി.എച്ച് കുര്യനില്‍ നിന്നും റവന്യു മന്ത്രി വിശദീകരണം തേടി.  ഇന്ന് വൈകുന്നേരത്തിനകം വിശദീകരണം നല്‍കണമെന്നാണ് ആവശ്യപ്പെട്ടിട്ടുള്ളത്.

 ഉത്തരവിറക്കിയ റവന്യു സെക്രട്ടറി പി.എച്ച് കുര്യനെതിരെ നടപടി വേണമെന്ന നിലപാടിലാണ് റവന്യൂ വകുപ്പ്. എന്നാല്‍ ഇക്കാര്യത്തില്‍ നടപടി വേണ്ടെന്നും ചട്ടങ്ങള്‍ പാലിച്ചാണ് ഉത്തരവിറക്കിയതെന്നുമാണ് മുഖ്യമന്ത്രിയുടെ ഓഫീസിന്റെ നിലപാട്.

അതിനിടെ ഹെലികോപ്റ്റര്‍ യാത്രയില്‍ പൊലിസിന് ഒരു പങ്കുമില്ലെന്ന് അറിയിച്ച് ഡി.ജി.പി ലോക്‌നാഥ് ബെഹ്‌റ രംഗത്തു വന്നു. സുരക്ഷയൊരുക്കുക മാത്രമാണ് ചെയ്തതെന്നും ഡി.ജി.പി തിരുവനന്തപുരത്ത് പറഞ്ഞു.