മനാമ: മലപ്പുറം കൂരിയാട് ആരംഭിച്ച സമസ്ത ആദര്‍ശ പ്രചാരണ കാംപയിന്‍ ഉദ്ഘാടന മഹാസമ്മേളനത്തിന്റെ തല്‍സമയ സംപ്രേഷണം ഓണ്‍ലൈനില്‍ ആരംഭിച്ചു.

എസ്.കെ.എസ്.എസ്.എഫിന്റെ ഓണ്‍ലൈന്‍ ചാനലായ സമസ്ത കേരള ഇസ്‌ലാമിക് ക്ലാസ്സ് റൂം വഴിയാണ് തല്‍സമയ സംപ്രേഷണം ആരംഭിച്ചിരിക്കുന്നത്.

ബൈലക്‌സ് മെസഞ്ചറിലെ സമസ്ത കേരള ഇസ്‌ലാമിക് ക്ലാസ്സ് റൂം, മൊബൈലിലെ കെ.ഐ.സി.ആര്‍ ഇന്റര്‍നെറ്റ് റേഡിയോ, www.skicrtv.in, skicrtv യുടെ യൂടൂബ്, ഫെയ്‌സ്ബുക്ക് പേജുകള്‍, SKICR മൊബൈല്‍ ടി.വി, റേഡിയോ എന്നിവ മുഖേനെയും തല്‍സമയ സംപ്രേഷണം ലോകത്തെവിടെയും ലഭ്യമാണ്.

പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യുന്ന സമ്മേളനത്തില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജന. സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍ , പി.കെ.പി.അബ്ദുസ്സലാം മുസ്‌ലിയാര്‍, എം.ടി.അബ്ദുല്ല മുസ്‌ലിയാര്‍, സി.കെ.എം.സാദിഖ് മുസ്‌ലിയാര്‍, കേന്ദ്ര മുശാവറ അംഗങ്ങള്‍, പോഷകസംഘടനാ നേതാക്കള്‍ എന്നിവര്‍ പങ്കെടുത്ത് സമസ്തയുടെ നയ നിലപാടുകള്‍ വിശദീകരിക്കും.

കൂടാതെ അബ്ദുല്‍ഹമീദ് ഫൈസി അമ്പലക്കടവ് (അഹ്‌ലുസുന്നത്ത് വല്‍ ജമാഅത്ത്), അബ്ദുസ്സമദ് പൂക്കോട്ടൂര്‍ (ആദര്‍ശ വിശുദ്ധിയോടെ സമസ്ത നൂറാം വാര്‍ഷികത്തിലേക്ക്), ഓണംപിള്ളി മുഹമ്മദ് ഫൈസി(സലഫിസം വരുത്തുന്ന വിപത്തുകള്‍), സത്താര്‍ പന്തലൂര്‍ (അജയ്യം,നാം മുന്നോട്ട്), മുസ്തഫ അശ്‌റഫി കക്കുപടി (മുജാഹിദ് സമ്മേളനം; വൈരുധ്യങ്ങള്‍ക്ക് മധ്യേ) എന്നിവര്‍ വിഷയാവതരണം നടത്തും.