മുക്കം: ആത്മാഭിമാനം പണയംവച്ച് ഒരു ശക്തിക്കും കീഴടങ്ങാന്‍ കോണ്‍ഗ്രസ് തയാറല്ലെന്നും വി.ടി ബല്‍റാമിനെതിരേ സി.പി.എം നടത്തുന്ന അക്രമത്തെ ശക്തമായി നേരിടണമെന്നും മുക്കം ബ്ലോക്ക് കോണ്‍ഗ്രസ് കമ്മിറ്റി യോഗം അഭിപ്രായപ്പെട്ടു.
ജനുവരി 26ന് ജവഹര്‍ ബാലജനവേദിയുടെ റിപ്പബ്ലിക് റാലി, 30ന് ദീപശിഖാ യാത്ര, ഫെബ്രുവരിയില്‍ മണ്ഡലം സമ്മേളനങ്ങള്‍, മാര്‍ച്ച് 23-24 തിയതികളില്‍ ക്യാംപ് എന്നിവ സംഘടിപ്പിക്കും.
ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് എം.ടി അഷ്‌റഫ് അധ്യക്ഷനായി. ഡി.സി.സി ജനറല്‍ സെക്രട്ടറി സി.ജെ ആന്റണി, ഇ.കെ ഷാഹുല്‍ ഹമീദ്, സാവിച്ചന്‍ പള്ളിക്കുന്നേല്‍, യു.പി മമ്മദ്, കെ.ടി. മന്‍സൂര്‍, ഇ.പി അരവിന്ദന്‍, ജോസ് പള്ളിക്കുന്നേല്‍, കെ.വി ജോസ് മാസ്റ്റര്‍, പി.വി സുരേന്ദ്രലാല്‍, നിഷാബ് മുല്ലോളി, സജീഷ് മുത്തേരി, പി. പ്രേമദാസ്, വദൂദ് റഹ്മാന്‍, ഷീല നെല്ലിക്കല്‍, റീന പ്രകാശ്, പി.ടി ബാലകൃഷ്ണന്‍ സംസാരിച്ചു.