കോഴിക്കോട്: ഗാന്ധിജിയെ കറുപ്പില്‍ മുക്കിയ നിലയില്‍ പുതിയ 20 രൂപ നോട്ട്. കുറ്റിക്കാട്ടൂര്‍ സ്വദേശിയും ഓട്ടോ ഡ്രൈവറുമായ മുഹമ്മദിനാണ് ഇത്തരത്തിലുള്ള 20 രൂപ നോട്ട് ലഭിച്ചത്.

നോട്ടില്‍ കറുത്ത നിറത്തില്‍ ഗാന്ധിജിയെ കണ്ടപ്പോള്‍ അദ്ദേഹം പഴയ 20 രൂപ നോട്ടുമായി താരതമ്യം ചെയ്താണ് പുതിയ നോട്ടിലെ പ്രശ്‌നം തിരിച്ചറിഞ്ഞത്. 20 രൂപ എ സീരിസിലുള്ള നോട്ടാണ്.

 

[caption id="attachment_235070" align="aligncenter" width="591"] മുകളിലുള്ളത് പുതിയ 20 രൂപ നോട്ടും താഴെയുള്ളത് പഴയ നോട്ടുമാണ്‌[/caption]

 

ഗാന്ധിജിയുടെ ചിത്രത്തോടൊപ്പം കറുപ്പ് നിറം പരന്ന നിലയിലാണ് പുതിയ 20 രൂപ നോട്ടുള്ളത്. പഴയ 20 രൂപ നോട്ടുകളില്‍ വ്യക്തമായി ഗാന്ധിജിയുടെ ചിത്രം പ്രദര്‍ശിപ്പിച്ചിട്ടുണ്ട്.

പുതിയ 50 രൂപ നോട്ടുകളും ഇത്തരത്തില്‍ മങ്ങിയ രീതിയിലാണ് പുറത്തിറങ്ങുന്നത്.

1000, 500 രൂപ നോട്ട് നിരോധനത്തിനു ശേഷം ക്ഷാമം പരിഹരിക്കാന്‍ വേഗത്തിലാണ് ചെറിയ രൂപയുടെ നോട്ടുകള്‍ പുറത്തിറക്കിയത്.

2000, 500 നോട്ടുകളിലെ മഷി മായുന്നതായും നേരത്തെ പരാതി ഉയര്‍ന്നിരുന്നു.