കുന്ദമംഗലം: മത-ഭൗതിക രംഗങ്ങളില്‍ ഏറ്റെടുത്ത ദൗത്യം ദീര്‍ഘവീക്ഷണത്തോടെയും കാര്യക്ഷമതയോടെയും വിശാലമായ കാഴ്ചപ്പാടോടെയും കൈകാര്യം ചെയ്ത മഹത് വ്യക്തിത്വമായിരുന്നു കോട്ടുമല ടി.എം ബാപ്പു മുസ്‌ലിയാരെന്ന് എസ്.വൈ.എസ് സംസ്ഥാന ജന. സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. സമസ്ത കേരള മദ്‌റസാ മാനേജ് മെന്റ് അസോസിയേഷന്‍ ജില്ലാ കമ്മിറ്റി സംഘടിപ്പിച്ച ബാപ്പു മുസ്‌ലിയാര്‍, കുമരംപുത്തൂര്‍ മുഹമ്മദ് മുസ്‌ലിയാര്‍, സി.കെ മൊയ്തു ഹാജി അനുസ്മരണ പരിപാടി ഉദ്ഘാടനം ചെയ്യുകയായിരുന്നു തങ്ങള്‍.
ഇന്ത്യന്‍ ന്യൂനപക്ഷങ്ങളുടെ കാവല്‍ഭടനെയാണ് ഇ. അഹമ്മദ് സാഹിബിന്റെ വിയോഗത്തിലൂടെ നഷ്ടമായതെന്നും തങ്ങള്‍ പറഞ്ഞു. എസ്.കെ.എം.എം.എ ജില്ലാ പ്രസിഡന്റ് എ.പി.പി തങ്ങള്‍ അധ്യക്ഷനായി. സൈനുല്‍ ആബിദീന്‍ തങ്ങള്‍ പ്രാര്‍ഥന നിര്‍വഹിച്ചു. സംസ്ഥാന ജന. സെക്രട്ടറി കൊട്ടപ്പുറം അബ്ദുല്ല മാസ്റ്റര്‍ അനുസ്മരണ പ്രഭാഷണം നടത്തി.
ആര്‍.വി കുട്ടിഹസന്‍ ദാരിമി, പി. ഹസൈനാര്‍ ഫൈസി, വി.കെ.സി മൊയ്തു ഹാജി, കെ. മൊയ്തീന്‍ കുട്ടി, സി.എ ശുക്കൂര്‍ മാസ്റ്റര്‍, കെ.സി മുഹമ്മദ് മാസ്റ്റര്‍, കെ.കെ നാസര്‍ ഹാജി, നാസര്‍ ഓര്‍ക്കാട്ടേരി, നസ്വീര്‍ പയ്യോളി, എന്‍.കെ അബൂബക്കര്‍ മാസ്റ്റര്‍, എം.കെ മുഹമ്മദ്, ഇ.കെ ഹംസ, അക്ബര്‍ ശാഹിദ് അന്‍വരി സംസാരിച്ചു. ജില്ലാ സെക്രട്ടറി കെ.പി കോയ സ്വാഗതവും വി.പി മുഹമ്മദ് മാസ്റ്റര്‍ നന്ദിയും പറഞ്ഞു.