മഞ്ചേരി: എളങ്കൂര്‍ മഞ്ഞപ്പറ്റയില്‍ വീട്ടില്‍ കവര്‍ച്ച. പതിനാറര ലക്ഷം രൂപയും നാലു പവന്‍ സ്വര്‍ണവും കവര്‍ന്നു. മഞ്ഞപ്പറ്റ കളത്തിങ്ങല്‍ മുഹമ്മദ് അഷ്‌റഫിന്റെ വീട്ടിലാണ് കവര്‍ച്ച നടന്നത്. ശനിയാഴ്ച രാത്രി ഏഴിനും പത്തിനുമടയിലാണ് കവര്‍ച്ച നടന്നത്.
16.45 ലക്ഷം രൂപയും നാലു പവന്‍ വരുന്ന സ്വര്‍ണക്കൊലുസും ചെക്ക് ലീഫുകളും നഷ്ടപ്പെട്ടിട്ടുണ്ട്. വീടിന്റെ മുന്‍ഭാഗത്തെ വാതില്‍ തകര്‍ത്താണ് മോഷ്ടാവ് അകത്തുകയറിയത്. മുഹമ്മദ് അഷ്‌റഫും കുടുംബവും കിടങ്ങഴിയില്‍ ബന്ധുവീട്ടില്‍ പോയ സമയത്താണ് കവര്‍ച്ച നടന്നത്. ഒരു വസ്തു വിറ്റ പണമായിരുന്നു വിട്ടീല്‍ സുക്ഷിച്ചിരുന്നതെന്ന് അഷ്‌റഫ് പറഞ്ഞു.
ഈ പണം മറ്റൊരു ഇടപാടില്‍ നല്‍കാനുള്ളതായിരുന്നു. മഞ്ചേരി പൊലിസ് സ്ഥലത്തെത്തി പരിശോധന നടത്തി. വിരലടയാള വിദഗ്ധരും ഡോഗ് സ്‌ക്വാഡും പരിശോധിച്ചു.