അരീക്കോട്: വടക്കുമുറിയില്‍ അഞ്ചു വീടുകളില്‍ മോഷണ ശ്രമം. കഴിഞ്ഞ ദിവസം രാത്രി ഒന്നിനും പുലര്‍ച്ചെ അഞ്ചിനുമിടയ്ക്കാണ് അടുത്തടുത്തുള്ള ആറ് വീടുകളില്‍ മോഷണ ശ്രമം നടന്നത്. വീട്ടുകാര്‍ ശബ്ദംകേട്ട് എണീറ്റതിനാല്‍ വിലപിടിപ്പുള്ള ഒന്നും നഷ്ടപ്പെട്ടിട്ടില്ല.
വടക്കുമുറിയിലെ തെച്ചനമ്പറ്റ മുഹമ്മദ് കുട്ടി, വൈ.പി അലി, കൊളക്കോടന്‍ ഇബ്രാഹീം, എന്‍.കെ നാസര്‍, ഉണ്ണിപ്പുലാന്‍ അബ്ദുസ്സലാം എന്നിവരുടെ വീട്ടിലാണ് മോഷണശ്രമം നടന്നത്. രാത്രി രണ്ടിന് അകത്തെ അലമാര തുറക്കുന്ന ശബ്ദംകേട്ടതായി വീട്ടുകാര്‍ പറയുന്നു. വീട്ടുകാര്‍ എണീറ്റപ്പോഴേക്കും മോഷ്ടാവ് ഓടി രക്ഷപ്പെടുകയായിരുന്നു. അലമാരയിലെ വസ്ത്രങ്ങളെല്ലാം വലിച്ചു പുറത്തിട്ടിട്ടുണ്ട്. ഇതിനു ശേഷമാണ് മോഷ്ടാവ് മറ്റു വീടുകളില്‍ എത്തിയതെന്നു കരുതുന്നു.
എന്‍.കെ നാസറിന്റെ വീട്ടലെ സി.സി.ടി.വി കാമറയില്‍ മോഷ്ടാവിന്റെ ദൃശ്യങ്ങള്‍ പതിഞ്ഞിട്ടുണ്ട്. ഈ ദൃശ്യങ്ങളില്‍നിന്നു മോഷ്ടാവിന്റെ കൈയില്‍ ആയുധങ്ങളുണ്ടെന്നു വ്യക്തമായതായി പരിസരവാസികള്‍ പറഞ്ഞു.