ഫറോക്ക്: ചെറുവണ്ണൂര്‍ കണ്ണാട്ടിക്കുളത്തെ കോര്‍പറേഷന്റെ ഇ.എം.എസ് സ്മാരക മിനി സ്റ്റേഡിയത്തിലെ ഗാലറി നിര്‍മാണത്തിനു തുടക്കമായി. മുന്‍ എം.എല്‍.എ എളമരം കരീമിന്റെ ആസ്തിവികസന ഫണ്ടില്‍ നിന്ന് അനുവദിച്ച ഒരുകോടി രൂപ ചെലവഴിച്ചാണ് ഗാലറി നിര്‍മിക്കുന്നത്. വി.കെ.സി മമ്മദ്‌കോയ എം.എല്‍.എ ഗാലറി ശിലാസ്ഥാപനം നിര്‍വഹിച്ചു. കോര്‍പറേഷന്‍ വികസന സ്ഥിരംസമിതി ചെയര്‍മാന്‍ പി.സി രാജന്‍ അധ്യക്ഷനായി. മുന്‍ സ്റ്റാന്റിങ് കമ്മിറ്റി ചെയര്‍മാന്‍ ടി. മൊയ്തീന്‍കോയ, പുല്ലോട്ട് ബാലകൃഷ്ണന്‍, കെ. രാജന്‍, എ.പി മുഹമ്മദ് ബഷീര്‍, എന്‍. ബാബുരാജ് സംസാരിച്ചു.