വടുവഞ്ചാല്‍: റിപ്പണ്‍ റെയ്ഞ്ച് കലാമേള വടുവഞ്ചാല്‍ വളവില്‍ ശംസുല്‍ ഉലമാ നഗറില്‍ സമാപിച്ചു. മഹല്ല് പ്രസിഡന്റ് മൊയ്തീന്‍ പതാക ഉയര്‍ത്തി. എസ്.വൈ.എസ് ജില്ലാ സെക്രട്ടറി ശംസുദ്ദീന്‍ റഹ്മാനി ഉദ്ഘാടനം ചെയ്തു.
കലാമേളയില്‍ വടുവഞ്ചാല്‍ ഹയാത്തുല്‍ ഇസ്‌ലാം മദ്‌റസ, നെടുങ്കരണ കൗകബുല്‍ ഹുദാ മദ്‌റസ, വാളത്തൂര്‍ ഹിദായത്തുസ്സിബ്‌യാന്‍ മദ്‌റസ എന്നിവ യഥാക്രമം ഒന്നും രണ്ടും മൂന്നും സ്ഥാനം നേടി.
സമാപന സമ്മേളനം ഫസല്‍ അലി ശിഹാബ് തങ്ങള്‍ ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ ഇബ്‌റാഹീം ദാരിമി അധ്യക്ഷനായി. ബാവ ജീറാനി കൊടുവള്ളി മുഖ്യപ്രഭാഷണം നടത്തി. റെയ്ഞ്ച് പ്രസിഡന്റ് ഹംസ മൗലവി, എസ്.എം.എഫ് മേഖലാ സെക്രട്ടറി സൈനുദ്ദീന്‍ വടുവഞ്ചാല്‍, മദ്‌റസ മാനേജ്‌മെന്റ് അസോസിയേഷന്‍ പ്രസിഡന്റ് അലവികുട്ടി സംസാരിച്ചു.
ചുള്ളിയോട്: ആനപ്പാറ റെയ്ഞ്ച് ഇസ്‌ലാമിക കലാമേള ചുള്ളിയോട് മദ്‌റസയില്‍ നടന്നു. ത്വരീഖത്തുല്‍ ഇസ്‌ലാം മദ്‌റസ അമ്പലവയല്‍ ഒന്നും മമ്പഉല്‍ ഉലൂം ചുള്ളിയോട്, നുസ്‌റത്തുല്‍ ഇസ്‌ലാം ആനപ്പാറ എന്നിവ രണ്ടും ആണ്ടൂര്‍ ഹിദായത്തുല്‍ ഇഖ്‌വാന്‍ മദ്‌റസ മൂന്നും സ്ഥാനങ്ങള്‍ നേടി.
പൊതുസമ്മേളനം മുഹമ്മദലി ഗസ്സാലി ഉദ്ഘാടനം ചെയ്തു. റെയ്ഞ്ച് പ്രസിഡന്റ് സി.പി മുഹമ്മദ് കുട്ടി ഫൈസി മാനാഞ്ചിറ അധ്യക്ഷനായി. എസ്.കെ.എസ്.എസ്.എഫ് ജില്ലാ ട്രഷറര്‍ അബൂബക്കര്‍ റഹ്മാനി മുഖ്യപ്രഭാഷണം നടത്തി. ചെയര്‍മാന്‍ സി.പി മുഹമ്മദ് ഫൈസി, റെയ്ഞ്ച് സെക്രട്ടറി ഹംസ ഫൈസി, ഇസ്മാഈല്‍ ദാരിമി ഉപഹാരം നല്‍കി. മുഹമ്മദ് മൗലവി, ഉമര്‍ ഹാജി ചുള്ളിയോട്, അബ്ദുലത്തീഫ് സംസാരിച്ചു.
മീനങ്ങാടി: റെയ്ഞ്ച് ജംഇയ്യത്തുല്‍ മുഅല്ലിമീന്‍ 14-ാമത് ഇസ്‌ലാമിക കലാമേള സമാപിച്ചു. കാക്കവയല്‍ ഹിദായത്തുല്‍ മുതഅല്ലിമീന്‍ സെക്കന്‍ഡറി മദ്‌റസ, തേനേരി മന്‍ഹജുല്‍ ഹുദാ മദ്‌റസ, ബീനാച്ചി നൂറുല്‍ ഇസ്‌ലാം മദ്‌റസ എന്നിവ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി.
തുടര്‍ച്ചയായി രണ്ടാം തവണ ചാംപ്യന്മാരാകുന്ന കാക്കവയല്‍ ഹിദായത്തുല്‍ മുതഅല്ലിമീന്‍ മദ്‌റസക്ക് കുമരംപുത്തൂര്‍ മുഹമ്മദ് മുസ്‌ലിയാര്‍ മെമ്മോറിയല്‍ ഓവറോള്‍ ട്രോഫി ലഭിച്ചു.