മുംബൈ: ഐ.എസ്.എല്‍ പോരാട്ടത്തില്‍ രണ്ടാം എവേ വിജയം തേടി കേരള ബ്ലാസ്റ്റേഴ്‌സ് ഇന്ന് മുംബൈ സിറ്റി എഫ്.സിയെ അവരുടെ തട്ടകത്തില്‍ നേരിടും. രാത്രി എട്ട് മണിക്കാണ് മത്സരം. കഴിഞ്ഞ കളിയില്‍ ഡല്‍ഹി ഡൈനാമോസിനെ തകര്‍ത്തതിന്റെ ആത്മവിശ്വാസത്തിലാണ് കേരള ബ്ലാസ്റ്റേഴ്‌സ്. പരുക്കേറ്റ് വിശ്രമത്തിലായിരുന്ന മലയാളി മുന്നേറ്റ താരം സി.കെ വിനീത് ആരോഗ്യവനായി തിരിച്ചെത്തിയിട്ടുണ്ട്. വിനീത് ടീമിനൊപ്പം പരിശീലനവും നടത്തി.