നെടുമ്പന: മുന്നോട്ടെടുക്കുന്നതിനിടെ നിയന്ത്രണം വിട്ട കാര്‍ നദിയില്‍ വീണ് മൂന്നു പേര്‍ക്ക് പരുക്ക്. കാറിനുള്ളില്‍ കുടുങ്ങി പോയവരെ ഗ്ലാസ്സ് തകര്‍ത്ത് നാട്ടുകാര്‍ പുറത്തെടുക്കുകയായിരുന്നു. പള്ളിമണ്‍ വട്ടവിള സ്വദേശികളായ ഷൈന്‍ലാല്‍ (35) സുനില്‍ (34) മഹേഷ് (38) എന്നിവര്‍ക്കാണ് പരുക്കേറ്റത്.

ചൊവ്വാഴ്ച വൈകിട്ട് മൂന്നരയോടെ കണ്ണനല്ലൂര്‍ വടക്കേ മുക്ക് മീയണ്ണൂര്‍ റോഡില്‍ പള്ളിമണ്‍ പാലത്തിനടുത്തെ പമ്പ് ഹൗസിന് സമീപത്തായിരുന്നു സംഭവം. നദിക്കു സമീപം കാര്‍ പാര്‍ക്കു ചെയ്ത കാര്‍ വേഗത്തില്‍ മുന്നോട്ട് എടുക്കാന്‍ ശ്രമിക്കുന്നതിനിടയില്‍ ഗിയര്‍ മാറി പുറകോട്ടു പോയി നദിയില്‍ വീഴുകയായിരുന്നു.