കോഴിക്കോട്: കേരള ഗവണ്‍മെന്റ് സ്റ്റുഡന്റ്, നഴ്‌സസ് അസോസിയേഷന്‍ കോഴിക്കോട് ബീച്ച്് യൂനിറ്റിന്റെ ജീവകാരുണ്യ സംരംഭമായ സാന്ത്വനത്തിന്റെ നേതൃത്വത്തില്‍ ജീവനം 2017 ന്റെ ഉദ്ഘാടനം നഴ്‌സിങ് സ്‌കൂള്‍ അങ്കണത്തില്‍ തൊഴില്‍ മന്ത്രി ടി.പി രാമകൃഷ്ണന്‍ നിര്‍വഹിച്ചു.
25 വീല്‍ചെയറുകള്‍, അഞ്ചുവിദ്യാര്‍ഥികള്‍ക്ക് ശ്രവണ സഹായി, നിര്‍ധനരായ പത്തുവിധവകള്‍ക്ക് തയ്യന്‍ മെഷീന്‍ എന്നിവ നല്‍കി.
ഡെപ്യൂട്ടി മേയര്‍ മീര ദര്‍ശക് മുഖ്യപ്രഭാഷണം നടത്തി. കെ.ജി.എന്‍.എ സംസ്ഥാന പ്രസിഡന്റ് പി. ഉഷാദേവി, വി.കെ ഏലിയാമ്മ, എന്‍.എ ശ്യാമള, ജിതിന്‍, ശ്രീജ സംസാരിച്ചു. സാന്ത്വനം ചെയര്‍പേഴ്‌സണ്‍ ഷംന അധ്യക്ഷയായി.