ബംഗളൂരു:മാലിന്യ കേന്ദ്രമായി മാറിയ 1000 ഏക്കര്‍ വരുന്ന ബംഗളൂരുവിലെ ബെലന്ദൂര്‍ തടാകത്തില്‍ തീപിടിത്തം.
ഇന്നലെ വൈകുന്നേരമാണ് തീപിടിത്തമുണ്ടായത്. മലിനീകരണവും വെളുത്ത പത നുരഞ്ഞ് പൊന്തിയും നഗരവാസികളെ ഭീതിയിലാഴ്ത്തിയ ഇവിടെയുണ്ടായ തീപിടിത്തം നിയന്ത്രണാതീതമായതോടെ 5,000 സൈനികരും അഗ്നിശമന സേനയും ഏഴുമണിക്കൂര്‍ നേരം കഠിനാദ്ധ്വാനം ചെയ്താണ് തീ നിയന്ത്രിച്ചത്.
തീപിടിച്ചതോടെ ആകാശത്തേക്ക് ഉയര്‍ന്ന കറുത്ത പുക ആശങ്കയാണുണ്ടാക്കിയത്. തടാകത്തിലെ രണ്ടിടങ്ങളിലായിട്ടാണ് തീപിടിത്തമുണ്ടായത്. തീ മറ്റിടങ്ങളിലേക്ക് പടരാതിരിക്കാന്‍ ശക്തമായ സുരക്ഷയൊരുക്കിയിരുന്നു. സംഭവത്തില്‍ നാശനഷ്ടങ്ങള്‍ ഉണ്ടായിട്ടില്ലെന്ന് പൊലിസ് അറിയിച്ചു.
കഴിഞ്ഞ ഏതാനും മാസങ്ങളായി ബെലന്ദൂര്‍ തടാകം വാര്‍ത്തകളില്‍ നിറയുകയാണ്.