കല്‍പ്പറ്റ: ഈമാസം 17, 18, 19 തിയതികളില്‍ മീനങ്ങാടി ഹുദൈബിയയില്‍ നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനത്തിന്റെ പ്രചാരണാര്‍ഥം ജില്ലാ കമ്മിറ്റി നടത്തുന്ന മദീനാ പാഷന്‍ സന്ദേശ യാത്ര ഇന്ന് തുടങ്ങും. ഇന്ന് വൈകിട്ട് നാലിന് വാരമ്പറ്റ അലി അക്ബര്‍ ദില്ലി കോയ തങ്ങളുടെ മഖാം സിയാറത്തോടെയാണ് സന്ദേശയാത്ര ആരംഭിക്കുക. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ സന്ദേശ യാത്രാ നായകന്‍ ശൗഖത്തലി വെള്ളമുണ്ടക്ക് പതാക കൈമാറും. തുടര്‍ന്ന് നടക്കുന്ന ജാഥാ സംഗമം സ്വാഗത സംഘം ചെയര്‍മാന്‍ ഇബ്രാഹീം ഫൈസി പേരാല്‍ ഉദ്ഘാടനം ചെയ്യും. അബൂബക്കര്‍ റഹ്മാനി, അയ്യുബ് മാസ്റ്റര്‍ എന്നിവര്‍ സംസാരിക്കും. വാരമ്പറ്റ മഹല്ല് കമ്മിറ്റി, സആദ അറബിക് കോളജ് പ്രതിനിധികള്‍, ജാഥാ അംഗങ്ങള്‍ എന്നിവര്‍ സംഗമത്തില്‍ പങ്കെടുക്കും.