മുട്ടില്‍: വയനാട് മുസ്‌ലിം യതീംഖാന മാനേജ്‌മെന്റിന് കീഴില്‍ പ്രവര്‍ത്തിക്കുന്ന നാല് സി.ബി.എസ്.ഇ അഫിലിയേറ്റഡ് ഇംഗ്ലീഷ് മീഡിയം സ്‌കൂളുകള്‍ പത്താം തരം പരീക്ഷയില്‍ നൂറുശതമാനം വിജയം നേടി. പരീക്ഷയെഴുതിയ 153 പേരില്‍ 15 വിദ്യാര്‍ഥികള്‍ എല്ലാ വിഷയങ്ങള്‍ക്കും മുഴുവന്‍ മാര്‍ക്കും നേടി. 22 പേര്‍ പരീക്ഷയെഴുതിയതില്‍ മുഴുവന്‍ വിദ്യാര്‍ഥികളും 70 ശതമാനത്തില്‍ കൂടുതല്‍ മാര്‍ക്ക് നേടി വിജയിച്ചത് ഡബ്ല്യു.എം.ഒക്ക് അഭിമാനാര്‍ഹമായ നേട്ടമായി. ഇവരില്‍ ആറ് പേര്‍ എ വണ്‍ ഗ്രേഡ് നേടി മികച്ച നേട്ടവും കൈവരിച്ചു.