ഉപ്പ്‌സല (സ്വീഡന്‍): ഇന്ത്യന്‍ യുവ ബാഡ്മിണ്‍ താരം സിദ്ധാര്‍ഥ് പ്രതാപ് കരിയറിലെ ആദ്യ അന്താരാഷ്ട്ര മെഡല്‍ സ്വന്തമാക്കി. സ്വീഡിഷ് ഓപണ്‍ ജൂനിയര്‍ അന്താരാഷ്ട്ര സീരീസ് കിരീടമാണ് താരം നേടിയത്.
ഫൈനലില്‍ ഡെന്‍മാര്‍ക് താരം മാഡ്‌സ് ക്രിസ്റ്റഫര്‍സെനിനെ പരാജയപ്പെടുത്തിയാണ് ഇന്ത്യന്‍ താരം ചാംപ്യന്‍ പട്ടം സ്വന്തമാക്കിയത്. 33 മിനുട്ടിനുള്ളില്‍ ഇന്ത്യന്‍ താരം മത്സരവും കിരീടവും പിടിച്ചെടുക്കുകയായിരുന്നു.
സ്‌കോര്‍: 21-15, 21-11. ഏഷ്യക്ക് പുറത്ത് ആദ്യമായാണ് 19 കാരനായ താരം മത്സരിക്കാനിറങ്ങിയത്. കന്നി പോരാട്ടം തന്നെ ഇന്ത്യന്‍ താരം കിരീട നേട്ടത്തിലൂടെ ആഘോഷിച്ചു.