ആലപ്പുഴ: എസ്.വൈ.എസ്, എസ്.കെ.എസ്.എസ്.എഫ് സിവില്‍ സ്‌റ്റേഷന്‍ ശാഖാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന മയ്യിത്ത് പരിപാലന പരിശീലന ക്യാംപും, മജ്‌ലിസുന്നൂറും, സൈനുല്‍ ഉലമ അനുസ്മരണവും, മതവിജ്ഞാന സദസും ഇന്ന് നടക്കും. ഉച്ചയ്ക്ക് രണ്ടു മുതല്‍ അഞ്ചുവരെ മീറാസുല്‍ അമ്പിയാ മദ്‌റസയില്‍ നടക്കുന്ന മയ്യിത്ത് പരിപാലന ക്യാംപിന് ഷെഫീഖ് ദാരിമി വാഴക്കാട് നേതൃത്വം നല്‍കും.
സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് പി.എ ശിഹാബുദ്ദീന്‍ മുസ്‌ലിയാര്‍ ഉദ്ഘാടനം ചെയ്യും. മഹല്‍ പ്രസിഡന്റ് അബ്ദുല്‍ ഹമീദ് മുസ്‌ലിയാര്‍ അധ്യക്ഷത വഹിക്കും. സിദ്ധീഖ് ബാഖവി, എന്‍.കെ ത്വാഹിര്‍ ഹാജി, ഹാജി എം.മുബാറക്,  മെഹബൂബ് ശരീഫ്  എന്നിവര്‍ സംസാരിക്കും.
നഗരത്തിലെ മഹല്‍ ഭാരവാഹികള്‍ സംബന്ധിക്കും. വൈകിട്ട് 7ന് റബ്ബര്‍ ഫാക്ടറി ജംങ്ഷന് സമീപം നടക്കുന്ന മജ്‌ലിസുന്നൂറിന് സയ്യിദ് ഹദിയത്തുല്ലാഹ് തങ്ങള്‍ അല്‍ഐദറൂസി നേതൃത്വം നല്‍കും. മഹല്‍ ഇമാമുമാര്‍ പങ്കെടുക്കും. 8 മണിക്ക് നടക്കുന്ന പൊതുസമ്മേളനം സിവില്‍ സ്‌റ്റേഷന്‍ മഹല്‍ ഖത്തീബ് സിറാജുദ്ദീന്‍ അശ്‌റഫി ഉദ്ഘാടനം ചെയ്യും. എസ്.വൈ.എസ് ശാഖാ സെക്രട്ടറി ശുഐബ് അബ്ദുല്ലാഹ് അധ്യക്ഷത വഹിക്കും.
മേഖലാ പ്രസിഡന്റ് അബ്ദുസ്സമദ് മുസ്ലിയാര്‍ പ്രാര്‍ത്ഥന നടത്തും.  എസ്.കെ.എസ്.എസ്.എഫ് മേഖലാ പ്രസിഡന്റ് പി.ജെ അഷ്‌റഫ് ലബ്ബാ ദാരിമി ആമുഖ പ്രഭാഷണവും മുഹമ്മദ് സജ്ജാദ് അല്‍ ഖാസിമി മുഖ്യ പ്രഭാഷണവും നിര്‍വഹിക്കും. എ.എം നൗഫല്‍, എ.എം.എം ശാഫി റഹ്മത്തുല്ലാഹ്, ഇ.എന്‍.എസ് നവാസ്, ഒ.ഹാരിസ്, മുഹമ്മദ് ഹസീം, അബ്ദുസലാം ലബ്ബ എന്നിവര്‍ സംസാരിക്കും.