തിരുവനന്തപുരം: ബിനോയ് കോടിയേരിയ്ക്ക് എതിരായി ഉയര്‍ന്ന ആരോപണങ്ങള്‍ക്ക് സി.പി.എം മറുപടി പറയും. സംസ്ഥാന സെക്രട്ടറിയേറ്റിലാണ് വിശദീകരണം നല്‍കാമെന്ന കാര്യത്തില്‍ ധാരണയായത്. ഇതുസംബന്ധിച്ച് വൈകുന്നേരത്തോടെ സി.പി.എം വിശദീകരണം നല്‍കുമെന്നാണ് സൂചന.

അതിനിടെ യോഗത്തില്‍ കോടിയേരി ബാലകൃഷ്ണന്‍ വിശദീകരണം നല്‍കി. സാമ്പത്തിക പ്രശ്‌നങ്ങള്‍ നേരത്തെ പരിഹരിച്ചതാണെന്നും മകനെതിരെ ദുബൈയില്‍ കേസില്ലെന്നും കോടിയേരി വിശദീകരിച്ചു.

അതേസമയം, നടന്നത് പണമിടപാട് മാത്രമാണെന്നും ബിനോയ്‌ക്കെതിരെ അന്വേഷണം നടത്തേണ്ട ആവശ്യമില്ലെന്ന നിലപാടിലാണ് പോളിറ്റ് ബ്യൂറോ അംഗമായ എസ് രാമചന്ദ്രനും മുഖ്യമന്ത്രി പിണറായി വിജയനും.