അരൂര്‍: ദേശീയ പാതയില്‍ വോള്‍വോ ബസിനെ മറകടക്കുന്നതിനിടെ തടി ലോറി നിയന്ത്രണം തെറ്റി ഡിവൈഡറില്‍ ഇടിച്ച് മറിഞ്ഞു.
അപകടത്തെ തുടര്‍ന്ന് മണിക്കൂറുകളോളം ഗതാഗതം സ്ഥംഭിച്ചു.
വെള്ളിയാഴ്ച പുലര്‍ച്ചെ മൂന്നു മണിയൊടെ അരൂര്‍ കെല്‍ട്രോണ്‍ കവലയ്ക്ക് സമീപം വച്ചായിരുന്നു അപകടം.
നെയ്യാറ്റിന്‍കരയില്‍ നിന്നും പെരുമ്പാവൂരിലേക്ക് തടി ലോറി കയറ്റിയെത്തിയ ലോറിയാണ് അപകടത്തല്‍ പെട്ടത്.
തെക്കുഭാത്തു നിന്നും വരികയായിരുന്ന വോള്‍വോ ബസിനെ മറി കടക്കുന്നതിനിടെ ദേശീയ പാത ഡിവൈഡറിലെ വിളക്കു കാലില്‍ ഇടിച്ച് നിയന്ത്രണം തെറ്റി വലതു ഭാഗത്തെ ഡിവൈഡറിലേക്ക് മറിയുകയായിരുന്നു.
ഉച്ചയോടു കൂടി മറ്റൊരു ലൊറിയെത്തി തടി കയറ്റി ഒരു വരി ഗതാഗതം പുനസ്ഥാപിച്ചു. അപകടത്തില്‍ ആര്‍ക്കും പരുക്കില്ല. അരൂര്‍ പൊലിസ് സ്ഥലത്തെത്തി മറ്റ് നടപടികള്‍ സ്വീകരിച്ചു.