നെടുമങ്ങാട്: കെ.എസ്.ആര്‍.ടി.സി ബസിനടിയില്‍പെട്ടു ഐ.ടി.ഐ വിദ്യാര്‍ഥി മരിച്ചു. പുതുക്കുളങ്ങര കുഴിവിള ശ്രീഭവനില്‍ അഭിജിത്‌ലാല്‍ (19 )ആണ് മരിച്ചത്. വ്യാഴായ്ച വൈകുന്നേരം 5 .30നു കരകുളം ആറാംകല്ലില്‍ വച്ചാണ് അപകടം നടന്നത്. ചാക്ക ഐ.ടി.ഐ വിദ്യാര്‍ഥിയായ അഭിജിത്‌ലാല്‍ ബൈക്കില്‍ ക്ലാസ് കഴിഞ്ഞു വീട്ടിലേക്കു മടങ്ങുന്ന വഴിയില്‍  കെ.എസ്.ആര്‍.ടി.സി ബസിനിടയില്‍ പെട്ടാണ് അപകടം സംഭവിച്ചത്.
ആറാംകല്ലില്‍  ബസ്‌സ്റ്റോപ്പില്‍ നിര്‍ത്തിയിട്ടിരുന്ന  ബസിനെ  ഓവര്‍ടേക്ക് ചെയ്യുന്നതിനിടയില്‍  അഭിജിത് സഞ്ചരിച്ചിരുന്ന ബൈക്ക് എതിരേ വന്ന മറ്റൊരു കെ.എസ്.ആര്‍.ടി.സി ബസില്‍ ഇടിക്കുകയയായിരിന്നു. റോഡില്‍ തെറിച്ചുവീണ അഭിജിത്തിന്റെ ശരീരത്തിലൂടെ ബസ് കയറി ഇറങ്ങിയതായി ദൃക്‌സാക്ഷികള്‍ പറഞ്ഞു.
മെഡിക്കല്‍ കോളജ് ആശുപത്രിയില്‍ എത്തിച്ചു അടിയന്തിര ശസ്ത്രക്രിയക്ക് വിധേയനാക്കിയ അഭിജിത്  പുലര്‍ച്ചെ മരണമടയുകയായിരുന്നു. അനില്‍കുമാര്‍-ജ്യോതി ദമ്പതികളുടെ മകനാണ് അഭിജിത്‌ലാല്‍.