ന്യൂഡല്‍ഹി: കേരള നിയമസഭാ പ്രതിപക്ഷനേതാവ് രമേശ് ചെന്നിത്തലക്ക് അരുണാചല്‍ പ്രദേശിന്റെ ചുമതലകൂടി നല്‍കി. അരുണാചല്‍ പ്രദേശിലെ രാഷ്ട്രീയ സ്ഥിതിഗതികള്‍ പഠിച്ച് റിപ്പോര്‍ട്ട് സമര്‍പ്പിക്കാനും സംഘടനയെ ശക്തിപ്പെടുത്തുന്നത് സംബന്ധിച്ച ശുപാര്‍ശ നല്‍കാനുമാണ് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി ചെന്നിത്തലയെ ചുമതലപ്പെടുത്തിയത്. നേരത്തേ എറെക്കാലം അദ്ദേഹം വടക്കു കിഴക്കന്‍ സംസ്ഥാനങ്ങളുടെ ചുമതലയുള്ള എ.ഐ.സി.സി സെക്രട്ടറിയായി പ്രവര്‍ത്തിച്ചിട്ടുണ്ട്.  നിലവില്‍ മണിപ്പൂരിലെ സ്ഥാനാര്‍ഥി നിര്‍ണയ സമിതിയുടെ ചെയര്‍മാനാണ് ചെന്നിത്തല.