ആലക്കോട്: കരുവഞ്ചാല്‍ കല്ലൊടിയില്‍ കാര്‍ നിയന്ത്രണം വിട്ടു മറിഞ്ഞു രണ്ടു പേര്‍ക്ക് പരുക്കേറ്റു. ചെമ്പേരി നെല്ലിക്കുറ്റി സ്വദേശികളായ കട്ടികാനായില്‍ ഗ്രെസി(44), ജോസ്(17) എന്നിവര്‍ക്കാണ് പരുക്കേറ്റത്. ശനിയാഴ്ച രാവിലെ പത്തോടെ കല്ലൊടി ഇറക്കത്തിലായിരുന്നു അപകടം.
ആലക്കോട് ഭാഗത്തു നിന്നു വന്ന കാര്‍ മണ്‍തിട്ടയില്‍ ഇടിച്ചു തലകീഴായി മറിയുകയായിരുന്നു. പരുക്കേറ്റവരെ പരിയാരം മെഡിക്കല്‍ കോളജില്‍ പ്രവേശിപ്പിച്ചു. കാറിനുള്ളില്‍ കുടുങ്ങി പോയവരെ ചില്ല് പൊട്ടിച്ചാണ് പുറത്തെടുത്തത്.