മേല്‍മുറി: പ്രവാചകന്മാരും മഹാന്മാരും ഉള്‍പ്പെടെയുള്ള സച്ചരിതരുടെ പാതയിലൂടെ സഞ്ചരിച്ചാല്‍ മാത്രമേ വിജയിക്കാന്‍ സാധിക്കുകയുള്ളൂവെന്നും ആ വഴിയിലൂടെയാണ് സമസ്ത മുസ്‌ലിം സമൂഹത്തെ നയിക്കുന്നതെന്നും സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രസ്താവിച്ചു.
മേല്‍മുറി 27 എസ്.കെ.എസ്.എസ്.എഫിന്റെ 27ാം വാര്‍ഷിക സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എസ്.വൈ.എസ് ജില്ലാ സെക്രട്ടറി ഷാഹുല്‍ ഹമീദ് മാസ്റ്റര്‍ മേല്‍മുറി അധ്യക്ഷനായി. എസ്.വൈ.എസ് ജില്ലാ ജനറല്‍ സെക്രട്ടറി അബ്ദുസമദ് പൂക്കോട്ടൂര്‍ മുഖ്യ പ്രഭാഷണം നടത്തി. പി ഉബൈദുല്ല എം.എല്‍.എ മുഖ്യാതിഥിയായിരുന്നു. സയ്യിദ് നിയാസലി ശിഹാബ് തങ്ങള്‍, എന്‍.വി മുഹമ്മദ് ബാഖവി, മന്നയില്‍ അബു, മന്നയില്‍ മുഹമ്മദ് മുസ്‌ലിയാര്‍, കെ ഗഫാര്‍ ഹാജി, പി.കെ അലവി ഹാജി, പി.എന്‍ മൊയ്തീന്‍, പി യുസുഫ്, പാതാരി കുഞ്ഞിമുഹമ്മദ്, എം സിദ്ദീഖ് മുസ്‌ലിയാര്‍, കെ.പി സുഫൈല്‍ ഫൈസി, എന്‍.വി നജീബ് മുസ്‌ലിയാര്‍, എന്‍.കെ സൈനുല്‍ ആബിദീന്‍, എന്‍.വി ഷഫീഖ്, ഷഫീഖ് തെക്കോടന്‍, ഹമീദ് ആലിക്കല്‍, എന്‍.കെ ആരിഫ്, കെ ജാബിര്‍, പി.കെ ശമീര്‍ ഹുദവി, എം സുഫൈല്‍ മുസ്‌ലിയാര്‍ സംസാരിച്ചു. എന്‍.കെ ഇബ്രാഹിം മുസ്‌ലിയാര്‍ സമസ്ത പ്രസിഡന്റിനെ ഷാളണിയിച്ചു.