കുവൈത്ത് സിറ്റി: കുവൈത്ത് കേരള ഇസ്‌ലാമിക് കൗണ്‍സിലിനു പുതിയ ഭാരവാഹികളായി. അബ്ബാസിയ റിഥം ഓഡിറ്റോറിയത്തില്‍ ചേര്‍ന്ന ജനറല്‍ ബോഡി യോഗത്തിലാണു ഭാരവാഹികളെ തെരഞ്ഞെടുത്തത്. മൂന്നുമാസം നീണ്ടുനിന്ന സംഘടനയുടെ മെമ്പര്‍ഷിപ്പ് കാംപയിനിലൂടെ നിലവില്‍ വന്ന അഞ്ചു മേഖലാ കമ്മിറ്റികള്‍ വഴി തെരഞ്ഞെടുക്കപ്പെട്ട പുതിയ കൗണ്‍സിലര്‍മാര്‍ യോഗത്തില്‍ സംബന്ധിച്ചു.
പുതിയ ഭാരവാഹികളായി ഹംസ ബാഖവി (ചെയര്‍മാന്‍), ഉസ്മാന്‍ ദാരിമി (വൈസ് ചെയര്‍മാന്‍), ശംസുദ്ദീന്‍ ഫൈസി (പ്രസിഡന്റ്), മുസ്തഫ ദാരിമി, മുഹമ്മദലി പുതുപ്പറമ്പ്, ഇല്യാസ് മൗലവി, ഇഖ്ബാല്‍ ഫൈസി (വൈസ് പ്രസിഡന്റുമാര്‍), അബ്ദുല്‍ ഗഫൂര്‍ ഫൈസി പൊന്മള (ജനറല്‍ സെക്രട്ടറി), നാസര്‍ കോഡൂര്‍, സൈനുല്‍ ആബിദ് ഫൈസി, അബ്ദുല്‍ കരീം ഫൈസി, അബ്ദുല്‍ ഹകീം മൗലവി (ജോയിന്റ് സെക്രട്ടറിമാര്‍), ഇസ്മാഈല്‍ ഹുദവി (ട്രഷറര്‍) എന്നിവരെ തെരഞ്ഞെടുത്തു.
സംഘടനയുടെ സുപ്രിം കൗണ്‍സിലിലേക്ക് മുഹമ്മദലി ഫൈസി (കണ്‍വീനര്‍), ഇ.എസ് അബ്ദുറഹിമാന്‍ ഹാജി(ജോയിന്റ് കണ്‍വീനര്‍), അബ്ദു ഫൈസി അരിയില്‍, കുഞ്ഞഹമ്മദ് കുട്ടി ഫൈസി, അബ്ദുല്ലത്തീഫ് എടയൂര്‍, ഇസ്മാഈല്‍ ബേവിഞ്ച, മൊയ്ദീന്‍ഷാ മൂടാല്‍, ഹനീഫ കൊടുവള്ളി എന്നിവരെ തെരഞ്ഞെടുത്തു.
വിങ് കണ്‍വീനര്‍മാര്‍: അബ്ദുല്‍ ഹമീദ് അന്‍വരി (ദഅ്‌വ), അബ്ദുറഹ്മാന്‍ കോയ (ഉംറ), ഇഖ്ബാല്‍ മാവിലാടം (വിദ്യാഭ്യാസം), അബ്ദുല്‍ അസീസ് പാടൂര്‍ (റിലീഫ്), അമീന്‍ മൗലവി (ഇബാദ്), ഹസ്സന്‍ ചെറുവത്തൂര്‍ (പബ്ലിക്കേഷന്‍), ശിഹാബ് കൊടുങ്ങല്ലൂര്‍ (വിഖായ), മന്‍സൂര്‍ ഫൈസി (സര്‍ഗലയം), ഹുസ്സന്‍കുട്ടി നീരാണി (മുസാഅദ), ഹംസ വാണിയന്നൂര്‍ (മീഡിയ).
റിട്ടേണിങ് ഓഫിസര്‍ ഡോ. അബ്ദുറഹ്മാന്‍ ഒളവട്ടൂര്‍ (അബൂദബി) തെരഞ്ഞെടുപ്പ് നിയന്ത്രിച്ചു. ഹംസ ബാഖവി, മുഹമ്മദലി ഫൈസി ചടങ്ങില്‍ സംസാരിച്ചു.
ചീഫ് ഇലക്ഷന്‍ കമ്മിഷണര്‍ ഷംസുദ്ദീന്‍ ഫൈസി സ്വാഗതവും അബ്ദുല്‍ ഗഫൂര്‍ ഫൈസി നന്ദിയും പറഞ്ഞു.