റിയാദ്: സഊദിയില്‍ വിദേശ നിക്ഷേപകര്‍ക്കുള്ള ലൈസന്‍സ് നടപടികള്‍ അധികൃതര്‍ വേഗത്തിലാക്കി. സഊദി അറേബ്യന്‍ ജനറല്‍ ഇന്‍വെസ്റ്റ്‌മെന്റ് അതോറിറ്റി(സാഗിയ)യുടേതാണു നടപടി. പുതിയ ലൈസന്‍സുകള്‍ അനുവദിക്കല്‍, പുതുക്കല്‍, ഭേദഗതി വരുത്തല്‍ എന്നിവക്കുള്ള സമയക്രമവും ചുരുക്കി പരമാവധി വേഗത്തിലാക്കിയതായി സാഗിയ അണ്ടണ്ടര്‍ സെക്രട്ടറി ഇബ്‌റാഹീം അല്‍ സുവൈല്‍ പറഞ്ഞു.
രണ്ടണ്ടു ദിവസത്തില്‍ കൂടുതല്‍ എടുത്തിരുന്ന നടപടികള്‍ ഇപ്പോള്‍ നാലു മണിക്കൂറായാണു കുറച്ചത്. മാത്രമല്ല, ലൈസന്‍സ് ലഭിക്കാന്‍ നേരത്തെ എട്ടു രേഖകള്‍ സമര്‍പ്പിക്കേണ്ടണ്ട സ്ഥാനത്ത് ഇപ്പോള്‍ രണ്ടണ്ടാക്കി ചുരുക്കിയിട്ടുമുണ്ട്. രാജ്യത്ത് വിദേശ നിക്ഷേപം ആഗ്രഹിക്കുന്ന കമ്പനികള്‍ ബാലന്‍സ് ഷീറ്റ്, കൊമേഴ്ഷ്യല്‍ രജിസ്‌ട്രേഷന്‍ എന്നീ രേഖകളാണു സമര്‍പ്പിക്കേണ്ടത്. സമര്‍പ്പിക്കപ്പെടുന്ന രാജ്യത്തെ സഊദി എംബസി സാക്ഷ്യപ്പെടുത്തിയായിരിക്കണം ഇവ സമര്‍പ്പിക്കേണ്ടത്. രാജ്യത്ത് കൂടുതല്‍ വിദേശ നിക്ഷേപം വരുത്തുകയാണു പുതിയ നടപടിക്കു പിന്നില്‍.