പാലാ: ഞീഴൂര്‍ ഇ.എസ്.ആര്‍.സി അഖില കേരള വോളിബോള്‍ ടൂര്‍ണമെന്റ് ഇന്ന് മുതല്‍ 19 വരെ ഞീഴൂര്‍ വിശ്വഭാരതി എസ്.എന്‍ എച്ച്.എസ്.എസ് ഇന്‍ഡോര്‍ സ്‌റ്റേഡിയത്തില്‍ നടക്കും.
എല്ലാ ദിവസവും വൈകിട്ട് 7.30ന് നടക്കുന്ന മത്സരങ്ങളില്‍ വിവിധ ജില്ലകളില്‍ നിന്നുള്ള പ്രമുഖ ടീമുകള്‍ ഏറ്റുമുട്ടും.25000 രൂപയും ട്രോഫിയും ഒന്നാം സമ്മാന ജേതാക്കള്‍ക്ക് സമ്മാനിക്കുന്ന മത്സരത്തില്‍ ഈ വര്‍ഷം ആറ്റുകാല്‍ സിക്‌സസ് തിരുവനന്തപുരം,എസ്.എന്‍ കോളേജ് ചേളന്നൂര്‍ കോഴിക്കോട്,എവര്‍ഷൈന്‍ പാദുവ,എം.വി.സി മണ്ണഞ്ചേരി ആലപ്പുഴ,ഡിസ്റ്റ് കോളേജ് അങ്കമാലി,കെ.വി.എസ് ചള്ളവയല്‍, ഇടുക്കി, സെന്റ് പീറ്റേഴ്‌സ് കോലഞ്ചേരി, പ്രോഗ്രസീവ് ചാരമംഗലം ആലപ്പുഴ തുടങ്ങിയ ടീമുകളാണ് മത്സരിക്കുന്നത്.
18ന് വൈകിട്ട് 7.30ന് നടക്കുന്ന വനിതാ വോളിബോള്‍ പ്രദര്‍ശന മത്സരത്തില്‍ സായ് തിരുവനന്തപുരം, ആലുവ സെന്റ് സേവ്യേഴ്‌സ് ടീമുകള്‍ പങ്കെടുക്കും. ഇന്ന് വൈകുന്നേരം 7.30ന് മോന്‍സ് ജോസഫ് എം.എല്‍.എ മത്സരം ഉദ്ഘാടനം ചെയ്യും.ഇ.എസ്.ആര്‍.സി പ്രസിഡന്റ് പി.കെ ശശികുമാര്‍ അധ്യക്ഷത വഹിക്കും.
ആദ്യ മത്സരം പ്രോഗ്രസീവ് ചാരമംഗലവും എവര്‍ഷൈന്‍ പാദുവയും തമ്മിലാണ്.
19ന് രാത്രി 9.45 ന് നടക്കുന്ന സമാപന സമ്മേളനത്തില്‍ കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് ലൂസമ്മ ജയിംസ് സമ്മാനദാനം നിര്‍വ്വഹിക്കും.