വൈക്കം: കൊട്ടാരപ്പളളി ആശ്രമ ഇടവക ദേവാലയത്തില്‍ വിശുദ്ധ സെബസ്ത്യാനോസിന്റെ പെരുനാളിന്് എറണാകുളം- അങ്കമാലി അതിരൂപത സഹായമെത്രാന്‍ മാര്‍.ജോസ് പുത്തന്‍വീട്ടില്‍ കൊടിയേറ്റി. വികാരി വര്‍ഗ്ഗീസ് മാണിക്കനാംപറമ്പില്‍, ഫൊറോന വികാരി ഫാ.പോള്‍ ചിറ്റിനപ്പിള്ളി എന്നിവര്‍ കാര്‍മ്മികത്വം വഹിച്ചു.
പെരുനാളിന് മുന്നോടിയായി ദിവ്യകാരുണ്യ ആരാധന നടത്തി. ചടങ്ങുകള്‍ക്ക് വൈസ് പ്രസിഡന്റ് സാജു വാതപ്പള്ളി, ജോയി മണ്ണച്ചിറ, എബ്രഹാം തെക്കെത്തറ, സജിമോന്‍ മാനന്തിക്കരി എന്നിവര്‍ നേതൃത്വം നല്‍കി. ഇന്ന് തിരുനാള്‍ ആഘോഷിക്കും. രാവിലെ 10 ന് നടത്തുന്ന തിരുനാള്‍ പാട്ടുകുര്‍ബ്ബാനക്ക് ഫാ.വിപിന്‍ കുരിശുതറ മുഖ്യകാര്‍മികനാകും. ഫാ.സെബാസ്റ്റ്യന്‍ നെടിയാനി പ്രഭാഷണം നടത്തും. തുടര്‍ന്ന് വിശുദ്ധന്റെ രൂപം പ്രദിക്ഷണത്തില്‍ എഴുന്നള്ളിക്കും.13 ന് മരിച്ചവരുടെ ഓര്‍മ്മദിനമായി ആചരിക്കും.