ബംഗളൂരു: എ. എഫ്. സി കപ്പ് യോഗ്യതാ പ്രാഥമിക റൗണ്ട് മത്സരത്തില്‍ ഭൂട്ടാനിലെ ട്രാന്‍സ്‌പോര്‍ട്ട് യുനൈറ്റഡിനെ ഗോളില്‍ മുക്കി ബംഗളൂരു എഫ്. സി. കളിയുടെ തുടക്കം മുതല്‍ അക്രമിച്ച് കളിച്ച ബംഗളൂരു 27-ാം മിനുട്ടില്‍ ഗോള്‍ നേടി. ബൊയ്തങ്ങ് ഹാവോകിപ്പായിരുന്നു ബംഗളൂരുവിന് വേണ്ടി ആദ്യ ഗോള്‍ നേടിയത്.
ബൊയ്താങ്ങിന്റെ ടൂര്‍ണമെന്റിലെ ആദ്യത്തെ ഗോളായിരുന്നു ഇത്. ഗോള്‍ നേടിയതോടെ തികച്ചും ആധിപത്യത്തോടെ കളിച്ച നീലപ്പട 56-ാം മിനുട്ടില്‍ രണ്ടാമതും ട്രാന്‍സ്‌പോട്ടിന്റെ വലകുലുക്കി. ഇതോടെ ട്രാന്‍സ്‌പോര്‍ട്ട് പ്രതിരോധത്തിലായി. ഡാനിയേലാണ് രണ്ടാം ഗോള്‍ നേടിയത്.
കൂടുതല്‍ സവമയവും പന്ത് കൈവശം വച്ച് കളിച്ച ബംഗളൂരുവിന് നിരവധി മികച്ച അവസരങ്ങള്‍ ലഭിച്ചെങ്കിലും ലക്ഷ്യം കാണാനായില്ല. 62-ാം മിനു ട്ടില്‍ ബൊയ്തങ്ങ് മൂന്നാമത്തെ ഗോളും നേടി ട്രാന്‍സ്‌പോട്ട് യുനൈറ്റിന്റെ മേല്‍ അവസാനത്തെ പ്രഹരവും ഏല്‍പിച്ചു.
ഛേത്രിയടക്കുമുള്ള മുന്‍തിര താരങ്ങള്‍ക്ക് വിശ്രമം നല്‍കിയാണ് ഇന്ന് ബംഗളൂരു കളത്തിലിറങ്ങിയത്. ആദ്യ മത്സരത്തില്‍ ഇരു ടീമുകളും ഗോള്‍ രഹിത സമനിലയില്‍ പിരിഞ്ഞിരുന്നു. ഇന്നത്തെ വിജയത്തോടെ എ. എഫ്. സി കപ്പിന്റെ ഏഷ്യന്‍ സൗത്ത് സോണില്‍ നിന്ന് രണ്ടാം റൗണ്ടിലേക്ക് ബംഗളൂരു സ്ഥാനം ഉറപ്പിച്ചു.