സീതാപൂര്‍: ഉത്തര്‍പ്രദേശില്‍ നടന്ന ആദ്യഘട്ട തെരഞ്ഞെടുപ്പ് ബി.എസ്.പി തൂത്തുവാരുമെന്ന് മായാവതി. ഇത്തവണ സംസ്ഥാനത്ത് 2007 ആവര്‍ത്തിക്കുമെന്നും തെരഞ്ഞെടുപ്പ് പ്രവചനങ്ങളും  എക്‌സിറ്റ്‌പോളുകളും തെറ്റാണെന്നു തെളിയുമെന്നും അവര്‍ പറഞ്ഞു.
സീതാപൂരില്‍ തെരഞ്ഞെടുപ്പ് പ്രചാരണ റാലിയില്‍ സംസാരിക്കുകയായിരുന്നു മായാവതി. ക്രിമിനലുകളെ അഴിക്കുള്ളിലാക്കി നിലവിലെ 'ജംഗിള്‍രാജ് '(കാടന്‍ ഭരണം) അവസാനിപ്പിക്കുമെന്നും അവര്‍ പറഞ്ഞു. എസ്.പിക്കു നല്‍കി വോട്ട് പാഴാക്കരുതെന്ന് അവര്‍ വീണ്ടും മുസ്‌ലിംകളോട് ആഹ്വാനം ചെയ്തു.
കോണ്‍ഗ്രസ് എസ്.പിയോട് കൂട്ടുചേര്‍ന്നത് രാഷ്ട്രീയ അവസരവാദമാണ്. എസ്.പി സര്‍ക്കാരില്‍ അഴിമതിയും 500ഓളം കലാപങ്ങളുമാണു സംസ്ഥാനത്തുണ്ടായത്. ശിവപാല്‍ എസ്.പിയെ തകര്‍ക്കും-മായാവതി പറഞ്ഞു.