റിയാദ്: മസ്തിഷ്‌ക്കാഘാതത്തെത്തുടര്‍ന്ന് മലപ്പുറം സ്വദേശി സഊദിയില്‍ മരിച്ചു. മലപ്പുറം പൊന്നാനി കൊരട്ടയില്‍ കുമാരന്റെയും തങ്കമണിയുടെയും മകന്‍ സുനില്‍ കുമാര്‍ (43) ആണ് സഊദിയിലെ ജിസാനില്‍ ബെയ്ഷില്‍ മരിച്ചത്. ദുബായ് ആസ്ഥാനമായ എം സി സി എല്‍ കമ്പനിയുടെ ജിസാന്‍ ശാഖാ അകൗണ്ടന്റായിരുന്നു.

ശനിയാഴ്ച്ച രാത്രി താമസ സ്ഥലത്തു ദേഹാസ്വാസ്ഥ്യത്തെ തുടര്‍ന്ന് സഹപ്രവര്‍ത്തകര്‍ ആശുപത്രിയില്‍ എത്തിച്ചെങ്കിലും ഇന്നലെ പുലര്‍ച്ചെയോടെ മരണപ്പെടുകയായിരുന്നു.

നേരത്തെ ദുബായില്‍ ആയിരുന്ന സുനില്‍ കുമാര്‍ ആറ് മാസം മുന്‍പാണ് ജിസാനിലാ ശാഖയില്‍ ജോലിക്കെത്തിയത്. ഷിജിയാണ് ഭാര്യ. അനാമിക, അലീന, അനന്യ എന്നിവര്‍ മക്കളാണ്. ബെയിഷ് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നാട്ടിലേയ്ക്ക് കൊണ്ട് പോകാനുള്ള നടപടിക്രമങ്ങള്‍ ആരംഭിച്ചതായി കമ്പനി പ്രതിനിധികള്‍ പറഞ്ഞു.