തിരുവനന്തപുരം: വീടിന്റെ ജനലുകളില്‍ കാണുന്ന കറുത്ത സ്റ്റിക്കറുകളില്‍ ആശങ്ക വേണ്ടെന്ന് സ്ഥിരീകരിച്ച് ഫോറന്‍സിക് പരിശോധനാ ഫലം. ഗ്ലാസ് കടകളില്‍ കാണുന്നതിന് സമാന സ്റ്റിക്കറുകളാണ് വീടുകളിലും കണ്ടെതെന്നാണ് പൊലിസിന്റെ പരിശോധനയില്‍ വ്യക്തമായത്.
കടകളില്‍നിന്ന് ഗ്ലാസുകളില്‍ ഒട്ടിച്ച് വിടുന്നവയാണ് കറുത്ത സ്റ്റിക്കറെന്നാണ് പൊലിസിന്റെ ഫോറന്‍സിക് പരിശോധനാ ഫലം. വീടുകളില്‍ പ്രത്യക്ഷപ്പെട്ട സ്റ്റിക്കറുകള്‍ പല ജില്ലകളില്‍നിന്ന് ശേഖരിച്ചാണ് പരിശോധനക്ക് വിധേയമാക്കിയത്. അവയെല്ലാം കടകളില്‍നിന്ന് ഗ്ലാസുകളില്‍ ഒട്ടിക്കുന്നവയുടേതിന് സമാന വലിപ്പവും രൂപവും ഘടനയുമുള്ളതാണെന്ന് കണ്ടെത്തി.