കൊണ്ടോട്ടി: കരിപ്പൂര്‍ വിമാനത്താവളത്തേക്കാള്‍ സൗകര്യവും റണ്‍വേ നീളവും കുറഞ്ഞ ഏഴ് വിമാനത്താവളങ്ങള്‍ ഈ വര്‍ഷത്തെ ഹജ്ജ് എംപാര്‍ക്കേഷന്‍ പോയിന്റില്‍ ഇടംനേടി.
ടേബിള്‍ ടോപ്പ് റണ്‍വേയുള്ള മംഗലൂരു, ലക്‌നൗ, ബോപ്പാല്‍, വാരാണസി, റാഞ്ചി, ഔറംഗബാദ്, ഗയ എന്നീ വിമാനത്താവളങ്ങളാണ് പട്ടികയിലുള്ളത്. ഇതില്‍ വാരാണസി, റാഞ്ചി, ഔറംഗബാദ്, ഗയ എന്നീ വിമാനത്താവളങ്ങള്‍ കോഡ് സി.കാറ്റഗറിയില്‍ പെട്ടതാണ്. കരിപ്പൂര്‍ വിമാനത്താവളവും ഇതേ കാറ്റഗറിയിലാണ്.
കേരളത്തില്‍ വിമാനത്താവളത്തിന്റെ വലിപ്പം നോക്കി ഹജ്ജ് എംബാര്‍ക്കേഷന്‍ പോയിന്റ് നിശ്ചയിക്കുന്ന കേന്ദ്ര നടപടിക്കെതിരേ പ്രതിഷേധം ശക്തമായിട്ടുണ്ട്.