ചടയമംഗലം: അഞ്ചല്‍ റെയ്ഞ്ച് ജംഇയ്യത്തുല്‍ മുഅല്ലിമീന്റെ നേതൃത്വത്തില്‍ ഏരൂര്‍ മുസ്‌ലിം ജമാഅത്ത് ഇസ്‌ലാമിക് എജുക്കേഷനല്‍ കോംപ്ലക്‌സില്‍ നടന്ന ഇസ്‌ലാമിക കലാമേളയില്‍ മാടന്‍നട തന്‍വീറുല്‍ ഇസ്‌ലാം മദ്‌റസ ജേതാക്കളായി. ഹിദായത്തുല്‍ ഇസ്‌ലാം മദ്‌റസ പെരിങ്ങള്ളൂര്‍, ഹിദായത്തുല്‍ ഇസ്‌ലാം മദ്‌റസ ചടയമംഗലം എന്നിവ രണ്ടും മൂന്നും സ്ഥാനങ്ങള്‍ നേടി. ഏരൂര്‍ മുസ്‌ലിം ജമാഅത്ത് നിര്‍മാണ കമ്മിറ്റി ചെയര്‍മാന്‍ മീരാന്‍ സാഹിബ് പതാക ഉയര്‍ത്തി. തുടര്‍ന്ന നടന്ന കലാമേളാ വിളംബര ജാഥയില്‍ വിദ്യാര്‍ഥികളും ഉസ്താദുമാരും മാനേജ്‌മെന്റ് പ്രതിനിധികളും പങ്കെടുത്തു.
വൈകിട്ട് അഞ്ചിന് നടന്ന സമാപന സമ്മേളനത്തില്‍ റെയ്ഞ്ച് പ്രസിഡന്റ് അബ്ദുല്‍ വാഹിദ് ദാരിമി അധ്യക്ഷത വഹിച്ചു. ഏരൂര്‍ മുസ്‌ലിം ജമാഅത്ത് ചീഫ് ഇമാം ഏരൂര്‍ ശംസുദ്ദീന്‍ മദനി ഉദ്ഘാടനം ചെയ്തു. റെയ്ഞ്ച് സെക്രട്ടറി മുഹമ്മദ് ഇസ്ഹാഖ് വാഫി സ്വാഗതവും ചെയര്‍മാന്‍ അയ്യൂബ്ഖാന്‍ നിസാമി നന്ദിയും പറഞ്ഞു. ഏരൂര്‍ മുസ്‌ലിം ജമാഅത്ത് പ്രസിഡന്റ് എ ബഷീര്‍, സെക്രട്ടറി ജബ്ബാര്‍, ട്രഷറര്‍ ബദറുദ്ദീന്‍ മാടന്‍നട മുസ്‌ലിം ജമാഅത്ത് സെക്രട്ടറി ഷാനവാസ് പ്രസംഗിച്ചു. ഏറ്റവും കൂടുതല്‍ പോയ്ന്റ് നേടിയ മദ്രസയ്ക്കുള്ള ട്രോഫി ജംഇയ്യത്തുല്‍ മുഅല്ലിമീന്‍ സ്റ്റേറ്റ് കൗണ്‍സിലര്‍ ശരീഫ് കാശിഫിയും രണ്ടാം സ്ഥാനം നേടിയ മദ്‌റസയ്ക്കുള്ള ട്രോഫി റെയ്ഞ്ച് പ്രസിഡന്റും വിതരണം ചെയ്തു.