മട്ടാഞ്ചേരി: തോപ്പുംപടി കവലയില്‍ പൊതുജനങ്ങള്‍ക്കായി ആധുനിക സംവിധാനത്തോടെയുള്ള കംഫര്‍ട്ട് സ്റ്റേഷന്‍ ആരംഭിച്ചു. മുപ്പത് ലക്ഷം രൂപ ചിലവിട്ട് റോട്ടറി ക്ലബ്ബാണ് നഗരസഭയുടെ ഭൂമിയില്‍ കംഫര്‍ട്ട് സ്റ്റേഷന്‍ പണി തീര്‍ത്തത്. മേയര്‍ സൗമിനി ജെയിന്‍  ഉദ്ഘാടനം ചെയ്തു. കെ.വി.തോമസ് എം.പി, കെ.ജെ മാക്‌സി എം.എല്‍.എ, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍മാരായ മിനിമോള്‍ , ഷൈനി മാത്യു, കൗണ്‍സിലര്‍മാരായ കെ.കെ കുഞ്ഞച്ചന്‍, കെ.ജെ ആന്റണി, സീനത്ത് റഷീദ്, റോട്ടറി ക്ലബ്ബ് ഭാരവാഹികളായ പ്രകാശ് ചന്ദ്രന്‍, ജപ്പാന്‍ പ്രതിനിധി കിട്ടാമുര മസാറു എന്നിവര്‍ സംസാരിച്ചു.