തിരുവനന്തപുരം: കോടിയേരി ബാലകൃഷ്ണന്റെ മകന്‍ ബിനോയ് കോടിയേരിക്കെതിരേ സാമ്പത്തിക തട്ടിപ്പിന് പരാതി നല്‍കിയ യു.എ.ഇ പൗരന്‍ ഇസ്മാഈല്‍ അബ്ദുല്ല അല്‍ മര്‍സൂഖി മാധ്യമങ്ങളെ കാണുന്നതില്‍ നിന്ന് പിന്‍വാങ്ങി.
ഇന്നു വൈകുന്നേരം തിരുവനന്തപുരം പ്രസ്‌ക്ലബിലാണ് വാര്‍ത്താ സമ്മേളനം നിശ്ചയിച്ചിരുന്നത്. ചവറ എം.എല്‍.എ വിജയന്‍ പിള്ളയുടെ മകന്‍ ശ്രീജിത്ത് പിള്ളയ്‌ക്കെതിരായ വാര്‍ത്ത റിപ്പോര്‍ട്ട് ചെയ്യരുതെന്ന് മാധ്യമങ്ങള്‍ക്കുള്ള കോടതി നിര്‍ദേശത്തെ തുടര്‍ന്നാണ് വാര്‍ത്താസമ്മേളനം റദ്ദാക്കിയത്.