HOME
DETAILS

സ്പീക്കറുടെ കണ്ണടയ്ക്കു സി.പി.ഐ പിന്തുണ

  
backup
February 05 2018 | 03:02 AM

%e0%b4%b8%e0%b5%8d%e0%b4%aa%e0%b5%80%e0%b4%95%e0%b5%8d%e0%b4%95%e0%b4%b1%e0%b5%81%e0%b4%9f%e0%b5%86-%e0%b4%95%e0%b4%a3%e0%b5%8d%e0%b4%a3%e0%b4%9f%e0%b4%af%e0%b5%8d%e0%b4%95%e0%b5%8d%e0%b4%95%e0%b5%81


തിരുവനന്തപുരം: പൊതുഖജനാവില്‍നിന്ന് വലിയ തുക ചെലവഴിച്ച് കണ്ണട വാങ്ങി വിവാദത്തിലായ സ്പീക്കര്‍ പി. ശ്രീരാമകൃഷ്ണന് സി.പി.ഐ പിന്തുണ. പാര്‍ട്ടിയുടെ രണ്ടു മന്ത്രിമാര്‍ ഇതിനെ ന്യായീകരിച്ചപ്പോള്‍, സ്പീക്കറുടെ നടപടിയെ എതിര്‍ക്കാത്ത തരത്തിലാണ് പാര്‍ട്ടി സംസ്ഥാന സെക്രട്ടറി കാനം രാജേന്ദ്രന്റെ പ്രതികരണം.
അര്‍ഹമായ ആനുകൂല്യമാണ് സ്പീക്കര്‍ പറ്റിയതെങ്കില്‍ അതില്‍ തെറ്റില്ലെന്ന് കാനം പറഞ്ഞു. എന്നാല്‍, ലളിതജീവിതത്തിന്റെ കാര്യത്തില്‍ തീരുമാനമെടുക്കേണ്ടത് വ്യക്തികളാണ്. എം.എല്‍.എ ആയിരിക്കെ റീഇംപേഴ്‌സ്‌മെന്റ് ആനുകൂല്യത്തിന് അര്‍ഹതയുണ്ടായിട്ടും താനത് ഉപയോഗിച്ചിട്ടില്ലെന്നും കാനം കൂട്ടിച്ചേര്‍ത്തു.
അര്‍ഹമായ ആനുകൂല്യമാണ് ശ്രീരാമകൃഷ്ണന്‍ കൈപ്പറ്റിയതെന്നും അതില്‍ അഴിമതിയോ കൃത്രിമ രേഖ ചമയ്ക്കലോ ഉണ്ടായിട്ടില്ലെന്നും കൃഷി മന്ത്രി വി.എസ് സുനില്‍കുമാര്‍ പറഞ്ഞു. അവിഹിതമായി ഒന്നും നടക്കാത്ത കാര്യത്തില്‍ വിവാദത്തിന്റെ ആവശ്യമില്ലെന്ന് റവന്യൂ മന്ത്രി ഇ. ചന്ദ്രശേഖരനും പറഞ്ഞു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."