ദുബൈ: നിയമ ലംഘനങ്ങള്‍ തിരുത്താന്‍ തയ്യാറാകാതിരുന്ന ഇന്‍ഷുറന്‍സ് കമ്പനിയുടെ ലൈസന്‍സ് റദ്ദാക്കി യുഎഇ സെന്‍ട്രല്‍ ബാങ്ക്. അല്‍ഖാസ്‌ന ഇന്‍ഷുറന്‍സ് കമ്പനിയുടെ ലൈസന്‍സാണ് ബാങ്ക് റദ്ദാക്കിയത്. നേരത്തേ, ലൈസന്‍സിന് ആവശ്യമായ നടപടികള്‍ പൂര്‍ത്തിയാകാത്തതിന്റെ പേരില്‍ ഇന്‍ഷുറന്‍സ് കമ്പനിയുടെ പ്രവര്‍ത്തനങ്ങള്‍ നേരത്തേ തടഞ്ഞിരുന്നു. സമയബന്ധിതമായി നിയമലംഘനം തിരുത്താന്‍ കമ്പനി തയ്യാറായിരുന്നില്ല. ഇതിനെ തുടര്‍ന്നാണ് നടപടി.

ALSO READ: 200,000 വര്‍ഷങ്ങള്‍ക്ക് മുമ്പ് തന്നെ ആദിമമനുഷ്യ വാസം; ഷാര്‍ജയിലെ അല്‍ ഫായക്ക് യുനെസ്‌കോ അംഗീകാരം: അഭിമാന നേട്ടത്തെ അഭിനന്ദിച്ച് സാലം ഉമര്‍

ഇന്‍ഷുറന്‍സ് നിയമങ്ങള്‍, നിയന്ത്രണ ബാധ്യതകള്‍, മേല്‍നോട്ട മാനദണ്ഡങ്ങള്‍ എന്നിവ പാലിക്കാത്തതിനെ തുടര്‍ന്നാണ് ഈ നടപടി. യുഎഇ സെന്‍ട്രല്‍ ബാങ്കിന്റെ വിശദമായ പരിശോധനകളുടെയും തുടര്‍ അവലോകനങ്ങളുടെയും ഫലങ്ങളുടെ അടിസ്ഥാനത്തിലാണ് ഈ തീരുമാനം.

സിബിയുഎഇ നടത്തിയ പരിശോധനകളില്‍, കമ്പനി യുഎഇയുടെ ഇന്‍ഷുറന്‍സ് നിയമങ്ങളും മറ്റ് നിയന്ത്രണ വ്യവസ്ഥകളും ലംഘിച്ചതായി കണ്ടെത്തി. രാജ്യത്തെ സാമ്പത്തിക വ്യവസ്ഥയുടെ സുതാര്യതയും സ്ഥിരതയും ഉറപ്പാക്കാന്‍, എല്ലാ ഇന്‍ഷുറന്‍സ്, അനുബന്ധ സ്ഥാപനങ്ങളും ദേശീയ നിയമങ്ങള്‍ കര്‍ശനമായി പാലിക്കണമെന്ന് യുഎഇ സെന്‍ട്രല്‍ ബാങ്ക് വ്യക്തമാക്കി.

സാമ്പത്തിക മേഖലയുടെ സമഗ്രത

രാജ്യത്തെ എല്ലാ ഇന്‍ഷുറന്‍സ് സ്ഥാപനങ്ങളും യുഎഇയുടെ നിയമങ്ങള്‍, ചട്ടങ്ങള്‍, മേല്‍നോട്ട മാനദണ്ഡങ്ങള്‍ എന്നിവയ്ക്ക് അനുസൃതമായി പ്രവര്‍ത്തിക്കണമെന്ന് യുഎഇ സെന്‍ട്രല്‍ ബാങ്ക് ആവര്‍ത്തിച്ചു.

ALSO READ: അപകട രഹിത വേനല്‍ കാംപയിന്‍: ബോധവല്‍ക്കരണ വ്യത്യസ്ത അപകട വിഡിയോകള്‍ പങ്കിട്ട് അബൂദബി പൊലിസ്

ഇന്‍ഷുറന്‍സ് കമ്പനിയുടെ റദ്ദാക്കല്‍ നടപടി, യുഎഇയുടെ സാമ്പത്തിക മേഖലയില്‍ സുതാര്യതയും ഉത്തരവാദിത്തവും ഉറപ്പാക്കാനുള്ള യുഎഇ സെന്‍ട്രല്‍ ബാങ്കിന്റെ പ്രതിബദ്ധതയെ ഊട്ടിയുറപ്പിക്കുന്നു. നിയന്ത്രണ ലംഘനങ്ങള്‍ കണ്ടെത്തുന്നതിനായി തുടര്‍ച്ചയായ പരിശോധനകളും അവലോകനങ്ങളും ബാങ്ക് തുടരുമെന്നും, ആവശ്യമെങ്കില്‍ കര്‍ശന നടപടികള്‍ സ്വീകരിക്കുമെന്നും അധികൃതര്‍ വ്യക്തമാക്കി.

The UAE Central Bank has revoked the license of an insurance company for failing to complete mandatory licensing procedures. The action highlights the authority's strict compliance and regulatory enforcement in the financial sector.