പാലക്കാട്: കുടുംബത്തെ മറയാക്കി പൊലിസ് വേഷത്തിൽ എത്തി കുഴൽപ്പണം കടത്തിയ ആളും കുടുംബവും പിടിയിൽ. പ്രായപൂർത്തിയാകാത്ത മകളെ ഉൾപ്പെടെ മറയാക്കിയാണ് കുഴൽപ്പണ കടത്ത് നടത്തിയത്. ആലപ്പുഴ ചേർത്തല പാണാവള്ളി സൂര്യാമൃതം വീട്ടിൽ ജെ.കെ. മനോജ് (47) ആണ് പിടിയിലായത്. ഇയാൾ പൊലിസ് വേഷം ധരിച്ചാണ് പണം കടത്തിയിരുന്നത്. വ്യാഴാഴ്ച വൈകീട്ട് ആറരയോടെ കൊഴിഞ്ഞാമ്പാറ അത്തിക്കോട്ടിൽ വെച്ചാണ് ഇയാളും കുടുംബവും പിടിയിലായത്.

79.8 ലക്ഷം രൂപയും 5 മില്ലി ഗ്രാം സ്വർണവുമാണ് പരാതിയിൽ നിന്നും പിടികൂടിയത്. തമിഴ്നാട്ടിൽ നിന്നാണ് രേഖകളില്ലാതെ ഇയാൾ പണം കൊണ്ടുവന്നത്. ജെ.കെ. മനോജിനൊപ്പം 20 വയസ്സുകാരനായ മകൻ, 14 വയസ്സുകാരിയായ മകൾ, മനോജിന്റെ സഹോദരി പുത്രൻ ആലപ്പുഴ ന്യൂ ബസാർ ലായത്ത് പറമ്പ് രേവതിയിൽ രാം കുമാർ (35) എന്നിവരാണ് പൊലിസിന്റെ പിടിയിലായത്. ഇവരെ മറയാക്കിയായിരുന്നു മനോജിന്റെ കുഴൽപ്പണക്കടത്ത് നടത്തിയത്.

ALSO READ: വനിതാ കണ്ടക്ടർക്കെതിരെ അവിഹിത ബന്ധ ആരോപണത്തിൽ സസ്പെൻഷൻ; കെഎസ്ആർടിസി ഉത്തരവ് വിവാദത്തിൽ

പൊലിസിനെ ഉൾപ്പെടെ കബളിപ്പിക്കാനായി പൊലിസ് വേഷത്തിലായിരുന്നു ഇയാൾ പണം കടത്തിയത്. മുമ്പും മനോജ് ഇത്തരത്തിൽ ഒട്ടേറെ തവണ പണം കടത്തിയിരുന്നതായി പൊലിസ് പറഞ്ഞു. രേഖകളില്ലാതെ പണം കടത്തുന്നതായി ജില്ല പൊലിസ് മേധാവിക്ക് ലഭിച്ച രഹസ്യവിവരത്തെ തുടർന്നാണ് പൊലിസ് വാഹന പരിശോധന നടത്തിയത്. ഇതിനിടെയാണ് കാറിൽ സഞ്ചരിച്ച സംഘത്തെ പണവും സ്വർണവുമായി പിടികൂടിയത്.

ചിറ്റൂർ ഡിവൈ.എസ്.പി വി. എ. കൃഷ്ണദാസ്, നാർകോട്ടിക് സെൽ ഡിവൈ.എസ്.പി അബ്ദുൽ മുനീർ, കൊഴിഞ്ഞാമ്പാറ ഇൻസ്പെക്ടർ എ.ആർ. അരുൺകുമാർ മീനാക്ഷിപുരം എസ്.ഐ കെ. ഷിജു, കൊഴിഞ്ഞാമ്പാറ എ.എ സ്.ഐ വി. മാർട്ടിന ഗ്രേസി, സി നിയർ സിവിൽ പൊലീസ് ഓഫിസർമാരായ വി. ഹരിദാസ്, എൻ. ശരവണൻ, ജില്ല ലഹരിവിരുദ്ധ സംഘങ്ങൾ എന്നിവരുടെ നേതൃ ത്വത്തിലാണ് പരിശോധന നടത്തി പ്രതികളെ പിടികൂടിയത്.

In a dramatic case of hawala money smuggling, a man from Alappuzha was caught while posing as a police officer and using his own family, including his minor daughter, as a cover to evade suspicion. The arrested accused has been identified as J.K. Manoj (47), a resident of Suryamritham house, Panavally, Cherthala. He was found wearing a police uniform while transporting unaccounted cash, suspected to be hawala money.