ലണ്ടന്‍: ലിവര്‍പൂളിന്റെ ഈജിപ്ത് താരം മുഹമദ് സലാഹ് പുതിയ റെക്കോര്‍ഡിട്ടു. ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിനായി ഏറ്റവും കുറഞ്ഞ മത്സരങ്ങളില്‍ 20 ഗോളുകള്‍ തികയ്ക്കുന്ന താരമായി സലാഹ് മാറി. ഫെര്‍ണാണ്ടോ ടോറസ്, സ്റ്റുറിഡ്ജ് എന്നിവര്‍ 27 മത്സരങ്ങള്‍ കളിച്ച് വലയിലാക്കിയ 20 ഗോളുകളുടെ റെക്കോര്‍ഡ് വെറും 25 മത്സരങ്ങള്‍ കളിച്ച് 21 ഗോളുകളിലെത്തിച്ചാണ് താരം നേട്ടം സ്വന്തമാക്കിയത്.