കോഴിക്കോട്: ഫെബ്രുവരി 24, 25,26 തിയ്യതികളില്‍ നാദാപുരം ഹുദൈബിയ്യയില്‍ നടക്കുന്ന എസ്.കെ എസ്. എസ്.എഫ് ജില്ലാ സമ്മേളനം മദീന പാഷന്‍ നഗരിയില്‍ ഉയര്‍ത്താനുള്ള പതാക മദീനയില്‍ നിന്ന് സമദ് പെരുമുഖത്തിന്റെ നേതൃത്വത്തില്‍  വരക്കല്‍ മഖാമില്‍ എത്തും.
സമസ്ത കേരള ജംഇയ്യത്തുല്‍ ഉലമാ സ്ഥാപക പ്രസിഡന്റ് വരക്കല്‍ മുല്ലക്കോയ തങ്ങളുടെയും ശംസുല്‍ ഉലമ ഇ.കെ അബൂബക്കര്‍ മുസ്ലിയാരുടെയും മഖാം സിയാറത്ത് ചെയ്ത് ജില്ലാ പ്രസിഡന്റ് സയ്യിദ് മുബശ്ശിര്‍ ജമലുല്ലൈലി തങ്ങളുടെ നേതൃത്വത്തില്‍ 22 ബുധന്‍ ഉച്ചയ്ക്ക് ഒരു മണിക്ക് പതാക ജാഥ എലത്തൂര്‍ ,കൊയിലാണ്ടി, പയ്യോളി, വടകര, എടച്ചേരി മേഖലകള്‍ വഴി ഹുദൈബിയ്യയില്‍ സംഗമിക്കും.  
ഖാസിം നിസാമി പേരാമ്പ്ര,നൂറുദ്ധീന്‍ ഫൈസി മുണ്ടുപാറ (വൈസ് ക്യാപ്റ്റന്മാര്‍) സലാം ഫറോക്ക് (ഡയറക്ടര്‍) ഷഫീക്ക് കായലം (അസി.ഡയറകടര്‍ ) അന്‍വര്‍ നല്ലളം (കോഓര്‍ഡിനേറ്റര്‍) അബ്ദുറഹിമാന്‍ സിറ്റി, സഫീര്‍ നല്ലളം (അസി. കോഓര്‍ഡിനേറ്റര്‍മാര്‍ ) എന്നിവര്‍ ജാഥ നയിക്കും.
 കൊടിമര ജാഥ വലിയുള്ളാഹി സി.എം അബുബക്കര്‍ മുസ്ലിയാരുടെ മഖാം സിയാറത്ത് ചെയ്ത് മടവൂരില്‍ നിന്ന് ജില്ല ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവിന്റെ നേതൃത്വത്തില്‍ നരിക്കുനി, ബാലുശ്ശേരി, ഉള്ള്യേരി, നടുവണ്ണൂര്‍, പേരാമ്പ്ര, കുറ്റ്യാടി വഴി സമ്മേളന നഗരിയില്‍ എത്തിച്ചേരും.
ഫൈസല്‍ ഫൈസി മടവൂര്‍, ജലീല്‍ദാരിമി നടുവണ്ണൂര്‍ (വൈസ് ക്യാപ്റ്റന്മാര്‍) നിസാം ഓമശ്ശേരി (ഡയറക്ടര്‍) ജിയാസ് (അസി .ഡയറ ക്ടര്‍)ഗഫൂര്‍ മുണ്ടുപാറ (കോഓര്‍ഡിനേറ്റര്‍) ഖാദര്‍ തെയ്യപ്പാറ (അസി. കോഓര്‍ഡിനേറ്റര്‍) എന്നിവര്‍ നയിക്കും.
ജാഥകളില്‍ നൂറ് കണക്കിന് വിഖായ വളണ്ടിയര്‍മാര്‍ ഇരുചക്രവാഹനങ്ങളില്‍ അനുഗമിക്കും.