കോഴിക്കോട്: യാത്രക്കാരുടെ തിരക്ക് പരിഗണിച്ച് മംഗളൂരു-കൊച്ചുവേളി റൂട്ടില്‍ റെയില്‍വേ പ്രത്യേക ട്രെയിന്‍ ഓടിക്കും. 9, 16, 23 തിയതികളില്‍ 06053 നമ്പറില്‍ കൊച്ചുവേളിയില്‍ നിന്നു വൈകിട്ട് 6.35ന് തിരിക്കുന്ന ട്രെയിന്‍ അടുത്തദിവസം പുലര്‍ച്ചെ 5.10ന് മംഗളൂരു ജങ്ഷനില്‍ എത്തും.
11, 18, 25 തിയതികളില്‍ വൈകിട്ട് 3.40ന് മംഗളൂരു ജങ്ഷനില്‍ നിന്നു തിരികെ പുറപ്പെടുന്ന 06054 നമ്പര്‍ ട്രെയിന്‍ പിറ്റേദിവസം പുലര്‍ച്ചെ അഞ്ചിന് കൊച്ചുവേളിയില്‍ എത്തിച്ചേരും. ഒരു എ.സി ടു ടയര്‍, രണ്ട് എ.സി ത്രീ ടയര്‍, ഏഴു സ്ലീപ്പര്‍, മൂന്നു ജനറല്‍, രണ്ടു ലഗേജ് കം ബ്രേക്ക് വാന്‍ എന്നിങ്ങനെയാണു കോച്ച് നില. കൊല്ലം, കായംകുളം, ചെങ്ങന്നൂര്‍, തിരുവല്ല, കോട്ടയം, എറണാകുളം ടൗണ്‍, ആലുവ, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍കോട് എന്നിവിടങ്ങളില്‍ ട്രെയിന്‍ നിര്‍ത്തും.